نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

AL_ZA3EEM · #1 02/05/2009, 11:48 PM

بسم الله الرحمن الرحيم

كيفكم وبالخصوص المدريديه بعد السته

نبدا موضوعي اولا بالشكر لادارة شبكة الزعيم على تنظيمهم لهذا القسم والشكر ايضا لابو غامد

قبل 10 ايام تقريبا شريت كاميرا كانون d450

وهذي اول كاميرا احترافيه امتلكها مع اني كنت هاوي للتصوير ولكن كنت اصور بجوالي سوني اريكسون k850i

وحاب اعرض عليكم بعض من تصويري بهذي الكاميرا اللي اشوفها انا انها راااااائعه بالنسبه لي كمبتدئ

اول شي يوم الاربعاء الماضي بعد مباراة المان وارسنال طلعت انا وخويي والتقطت تقريبا 50 صوره للمملكه من على جسر المشاه في طريق الملك فهد وهذي افضل الصور اللي طلعت معاي

اما بالنسبه لهذي الصور تعب ومذاق خاص

في عصر الجمعه الماضي اللي هو امس

طلعت انا وخويي لطريق الملك فهد ايضا علشان اصور تصوير ليلي للمملكه ولكن في فترة الغروب ولقينا عماره توها تبنى وطلعنا تقريبا 10 ادوار على رجلينا

الين فخوذي جاها تمزق من التعب

وصورة هناك لمدة ساعه تقريبا الى مابعد غروب الشمس

بس في النهايه اتوقع اني التقطت صور جميله وتستاهل هالتعب

اما بالنسبه لهذي الصوره فهي اهداء لمشجعي فرنسا

وان شاء الله راح انزل موضوع شرح بالصور عن طريقة تصويرها قريبا

هذا اللي قدرت عليه الحين وبإذن الله راح انزل صور اكثر في الايام المقبله

اخوكم ( وليد الشهري )

آراؤكم وانتقاداتكم تهمني