|
مشكــلتي مع حمــآآاس الــمبآآاريــاآآت
بســم اللــهـ الــرحمــــن الــرحيـــم...
مسآآكم عسل وغلا ياأغلى أعضآء منتدى الخبر فريندز....
اليوم ودي انكم تتفاعلون معي في موضوع عانيت فيه بصراحة...
ألا وهو التعصب الرياضي والكروي وقت ماتشوف المباراة..!
طبعا البعض منكم والمتابعين يشوفون احد الجماهير سقط مغشي عليه او تشنج نتيجة لهدف جاء فجأة او في وقت قاتل من المباراة..!
واللي خلاني اكتب هالموضوع اني قبل شوي اتصفح موقع مختص بالصحة يعرض دراسة طبية المانية حديثه عن (الافراط في الحماس الرياضي)..
وكانت من ابرز تأثيراتها النوبات القلبية..
وهذي المشكلة اللي شاغله همي واللي انا معاني منها...!
مشكلتي هي الحماس الزائد والمفرط خصوصا في مباريات الهلال الحاسمه>>فديييته والله:27:
ومباريات المنتخب..!:17:
يعني كاقرب مثال في مباريات الهلال والاتحاد الاخيرة اللي على النهائي طبعا هذيك المباراة كانت حاسمة ونهائية..!
جلست وانا مضظرب وخآآئف طبعا سجل الاتحاد الهدف الاول ومن ثم عادل الهلال
بعدها صرت اكثر خوف ومضطرب لدرجة اني والله قمت انتفض في مكاني وربي اني ماأكذب عليكم يا اخواني
اني حسيت بضيقة تنفس وقلبي قام يضرب بسرعه الين شاف الوضع ابوي وطلعني برا المجلس وقعدت
ادلك صدري والله يا اخواني ماقدرت اتابع المباراة الين طعت برا وخذيت كاسة موية..!
وقبلها مباراة النهائي في السنة الماضية برضو بين الاتحاد والهلال
بعد ماسجل الهلال هدف مبكر جلس الهلال تحت ضغط كبيير من الاتحاد ..
وقتها كنت حاط بجيبي اللي فوق كرتون حلاو هولز((ابوحبات صغيرة)
ومن قوة دقات قلبي خوفي والله ان صوت حبات الحلاو اللي بجيبي قاعد يطقطق ويضحكون الشباب اللي معي...
انا يا أخواني الله يبعد الشر ماودي اشوف نفسي طايح ولا مغمى علي بسبب مباريات كورة..:37:
والوالدة عندي حلفت علي من متابعة المباريات بعد مشاكل القلب بسبة المباريات
ويشهد الله اني صرت اخبي عنها مشاكل القلب عشان ماتحلف علي مرة ثانية من مشاهدة المباريات..
يا أخواني ابي الحل منكم وربي اني تعبت ولاأدري وش اسوي
اتمنى مساعدتكم لي ولاتبخلون علي بنصائحكم...  | 