30/04/2009, 07:04 AM
|
 | زعيــم نشيــط | | تاريخ التسجيل: 09/09/2008 المكان: ( حايل ) يآبعد حي الشمال ويآبعد مِيته
مشاركات: 783
| |
.,
هلا وغلا دمعة زرقاء 
وش هالزين كله والله موضوعك يوسع الصدر .. عاد انا مجنونة ذكريات 
وأقدّرها حيل وأقدّر اللي يقدرها .. يعني ابشرك حبيتك 
اول ماشفت موضوعك تحمست اني أنبّش عن الماضي اللي من زمان مانبّشت فيه 
العاده كل شهرين أو ثلاثه استرجع ذكرياتي هالمرّه طوّلت ..
جاء موضوعك ورجعني للطبع اللي تعودت عليه 
ياحلو الذكريات والدنيا اوّل .. صح اللحين بعد حلو بس اوّل غييييييير
وبما انك طلبتي صور ماحبيت أردك وصورت لك بعض تجرافاتي وحوستي وشهادات الشكر حقتي 
يلا وشوله الحكي الزايد شوفيه بنفسك .. وشاركيني ذكرياتي مثل ماشاركتك ذكرياتك
الصور اللي فوق جمعت أيام الابتدائي والمتوسط والثانوي كل مرحله تجراف الظاهر 
كان شيء مقدّس عندنا  .. بس أكثر واحد أحبه التفاحي لأن أكثر الذكريات الحلوه فيه
وهالدفاتر عشان نسولف بالحصص , الناس يجيبون أوراق يسولفون فيها وحنّا دفاتر الله من كثر الكلام
وعشان مانتهاوش على الأوراق كل وحده تاخذ دفتر صديقتها حق الذكرى .. هالدفاتر جمعتهن من 3 مراحل
آخر مراحل الثانوي , ولاتهون ثالث بعد , الناس يعقلون وحنّا نستخف 
عشان تعرفين اني شاطره
والله مدري شلون جمعتهن , كل ماشفتهن افقع ضحك .. مانيب صاحيه كنت شطوره
بس ترى أغلبهن كان عشان نشاطات اسويها ( حفل , مسابقات ) مو عشان الدراسه
مدري وش ملقفنا نسوي لخلق الله حفل ..
أذكر يوم كنت بثاني ثانوي , حنا اللي سوينا حفل تخرج ثالث كله  ..
وبهذي جمعت لك الزين بس
لأن فيه كثير بس متقطعات ومنلعن خيّرهن ومالها داعي اخرب موضوعك فيهن
بس ترى لايغرّك الرومنسيه اللي برا , لو تدرين وش مكتوب فيهن تشققينهن
.,
اما هالصوره الجايه نكته وحده من صديقاتي عندها هواية غريبة تحب تجمع بطاقات الشحن المستعمله
غريبه مو ؟ّ! المهم كنّا نعطيها جوّها وكل ماشرينا بطاقات واستعملناها رميناها عليها وهي تجمعهن 
الين آخر يوم جابت لنا كرتونين مليااااااااااااااااانه بطاقات .. وزعتهن علينا تقول ذكرى
يالبى قلبها ياحلو ذكرياتها على طول المده اللي راحت لكن كل ماشفتهن اتذكرها
طبعاً لأن الشله كانت كبيره كل وحده أخذت شوي ..
وهذي صورة اللي عندي اللحين
أحس اني أخذت راحتي بموضوعك ..
تسلمين يابعدهم على هالموضوع الحلو والصور الأحلى وبصراحه أحلى موضوع شفته هالشهر
وليته جاي بدري عشان يدخل بالترشيح
..  |
