أذن المغرب .. صليت ورجعت لـ البيت ... جلست اتقهوى مع أهلي وجلست عند الـ tv
وفجأهـ رن جوآلي
الجوآل بالدور الثآني وانآ بالدور الاول
وأشوت فيصل
انآ : روح وجيب الجوآل
فيصل : طيب ليه تضرب منب جآيبه
وأقـوم اوقف بطريقـه غريبه سببت الرعب لـ فيصل وأروح فوق
أول مآ وصلت لـ الجوآل سكر
وآخذ الجوآل وأشوف مين اتصل .. عبدالعزيز
وادق عليه
انا : هـلآ عزوز
عبدالعزيز : وينك
انا : في البيت
عبدالعزيز : إفتح لي البآب
انا : وش بآبه
عبدالعزيز : بآب بيتكم <<<<---- يمون
انا : يالله يالله

نزلت وفتحت البآب
انا : مييين <<< ====== أستهبل بس
عبدالعزيز : إفتح لآ اتمردس بـ بطنك
فتحت البآب ... مو خوف بس علشآن المشآكل

مآ امدآني افتح البآب الا وعبدالعزيز دآخل ويلقى فيصل جآلس بالـصآله ومعه الريموت ويشوف mbc3 وكله برآئه وطفوله

ويشوته عبدالعزيز : جيب الريموت ...

انا وش فيك خله

عبدالعزيز : مبآرآه الهلال اللحين خلنآ نشوف الاستديو التحليلي


انا : خـلآص فيصل روح لـ التلفزيون الثآني << يآ روحي عالـ حنآن

<< ==== مهجدهم عبدالعزيز

انآ : وش صآأإر عليـك تبي تجي معنآ ولا لا

عبدالعزيز : واللهـ أمي مآ ودهآ بس قالت بكيفك .. بس خلني بأقول لـ أبوي وإن شآء الله يوآفق

انا : خـلآص إستعجل .. لأنهآ يبي لهآ شغله جوآزت و فيزه

عبدالعزيز : خـلآص

انا : وش رآيك أخلي أبوي يكلم أبوك .. احسن

عبدالعزيز : كـفوووو يآ شنب << إستآنس إي واللهـ أحسن خله يقنعه

أذن العشآء ... طلعنآ نبي نروح نصلي .. كلمت ابوي انا

هـلآ يبه

ابوي : هـلآ وغـلآ وليدي وشلونك
انا : الحمد الله تمآم ...
ابوي : يالله يآ وليدي متى تبي تجون إشتقنآ لك الصـرآأإحهـ .. مخلين ابوكم بهالـ غربه بالـ حآاله
انا : انت مآ قلت تعآلوآ معي ... ولآ من نآحيتي منب مقصر أجيك لـو مشي
ابوي: ههههه مب حبـ(ن) بي الا حبن بالديره
انا : لآ وش دعوه ... طيب عبدالعزيز يبي يجي معنآ
ابوي : منهو ولد خالتك ؟
انا : إيهـ
ابوي : وش يجيبه ذآ
انا : أحم احم << عبدالعزيز بجنبه تورط .... قلت له انا و وآفق
ابوي : طيب هو جآزم
انا : لآ ابيك تكلم أبوهـ وتقول له
ابوي : يصير خير إن شآء الله عطني رقمه
انا : 056 والبآقي مآ تغير ... ياللهـ في أمآن الله

مآ أمدآني اسكر الا وعبدالعزيز :: وش يقول

انا :ههههههه يقول يصير خير وهذآه يبي يكلمه
عبدالعزيز : يالله خلـ نروح نصلي اقآم إذآ رحنآ لندن محنب لآقين مسجد
انا : منهم حنآ
عبدالعزيز : أنآ ويآك
انا : هههههههه والله يآ انت نشبه
عبدالعزيز : مآ رد علي مسوي مآ سمع

دخلنآ صلينآ .. ورجعنآ البيت ..