نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الـمـشـاغـب · #274 27/04/2009, 02:45 AM

اسمعوا .. قصدي شوفوا ..!

أنا والله منب فاضي لوجيهكم .. عندي فيلم رعب على ام بي سي تو

بس ودي أعلق وأصفق على المباراة .. وأقول كلمتين

هالحين يالهلاليين ياللي ما تستحون على وجيهكم .. ما عندكم وطنية؟

تروحون تصفقون للتايب الليبي وراضين انه يفضح عيالنا السعوديين النصراويين بالكباري والتسحيبات؟

لعنبوا غيركم .. بذمتكم .. قد شفتوا لاعب منبطح على الكرة ( البحري ) وثم يجي لاعب ما يستحي ولا يرحم الضعوف ( التايب ) ويسحب الكورة من تحت بطنه ويطلعها من بين رجوله وهو منبطح؟

وين صارت هذي؟ وين استوت ؟ علموني بالله علموني؟

خلونا من الكباري .. علموني وش فيكم يالهلاليين دايم تخربون؟

يا تفوزون يا تخربون؟

عشانكم ما قدرتوا تفوزون تروحون تحولون ( درة الملاعب ) إلى صالة تزلج تدربون فيها لعيبة النصر؟

علموني أنتم تستحون والا ما تستحون؟

كل شوي وألقى لاعب نصراوي متزحلق ورايح يمين والكورة يسار

استحوا شوي تكفون بلاش تخريب

كل هذا وما تتركون حركاتكم .. وحبيتوا تمتعون المشاهدين بفقرة مصارعة حرة من بطولة إيلتون وحسام غالي والمنظّم هو نفسه اللي ما يستحي التايب

يعني كرة قدم + مباراة تزلج + دعاية مصارعة حرة .. وش بقى ما ظهر يا زمن العجايب؟ وش بقى ما سواه التايب؟

تكفون خلاص يكفي أنا تعبت .. يا عديمي الوطنية

برب .. خلصت الدعاية وبدا الفيلم