نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

وردة الهلال · #9 25/04/2009, 02:26 AM

لأن فهي نآس تفهم الطوآعه غلط! للأسف!

يفهمون التطوع تشدد فايشوهون صورة الملتزم او المطوع!

على فكرة باباتي مطوع

ويأذن ويصلي بالنآس اوقآت

وش حليله

ماهو معقد

انا اعطيك امثله في وحده جيتها قلت شقري حواجبك وش يطالع رجلك بحواجب كرآش!

قالت لا امي تقول حرام وجابت لي فتوى مادري من وين

ومع انه في احكام حللته

خذت فترة إلا الاخت لابسه ذاك الشمآغ إللي طآحوا فيه موديل

بغيت اقول لها ترا حرام قالوا

ما ادري مسوين مطاوعه على ايش! من جد هي وامهاو خالآتهآ فاهمين التطوع حرمان!

ولازم تشآور امها المرجع الديني حقها

والشيخ المفتي

ما ادري يعني هل اني اكون مطوعه لازم اكون مخلقنه او رسميه او بدون اهتمام !!!

والله في ناس مطوعه ماشاء الله لبسهم يرد الروح من اناقته وروحهم حلوة.والجلسة ماتملها!

وفيه نآس (اللي نسميهم نص تطوع! او يسمعون بالطوع!) ذولا على قولة صديقتي (الطوع يخر من الكوع)

يخر= يتسرب لغير النآطقين بلكنتي

يعني يتشددون ويتزمتون بآشيآء ثآنويه ويتركون الأسآس!
وللأسف تلاقين تربيتهم هشه! اول ما يحصل فرصه ينحرف.

المطوع حلو

بس نفهمه

كثير يحسدونا عشان ابونا مطوع
وتلاقي يقولون ياحظكم!

فيه نآس يتمنون هالشي!

الله يرزقنآ الهدآية وحسن الخآتمه. يآرب

شكرا شوق