نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

R D H · #10 24/04/2009, 08:26 PM

السلام عليكم ورحمة الله وبركاته

تحيه طيبه لك أختي الكريمه ( حتى ظلالك هلالي ) .. أو كما يحب متابعيك أن ينادوكـ .. ( حتـ حتـ )

أول موضوع أقرأه لك .. وإن شاء الله مايكون أخر موضوع .. وتسلمي على الموضوع الجميل ..

..

( الاتصالات السعودية ) و ( موبايلي ) وحديثاً ( زين )

كلهم عالخط .. ونحن المستفيدين ..

جميعنا رأى عرض ( زين ) قبل رمضان .. ( شهر علينا وشهر عليك )

هالعرض كان عرض مغري ومثير ..

مالبثت ( الاتصالات السعوديه ) إلا وأن أخرجت عرض ( بعد الدقيقه الخامسه يعطونك خمس دقايق مجانا ) على ما أذكر

وبعدها دخلت ( موبايلي ) ونزلت عرض ( لكل ثانيه .. ثانيه مجانا )

وغيرها من العروض المثيره .. لكن لو تدققي في العروض .. رح تلاقيها كلها نفس الفكره لكن كل شركه تقدمها بطريقة مختلفه ..

فكلهم يمشون على نظام ( ادفع نصف قيمة ماكنت تدفعه ) ..

فمن كان يدفع ( 200 ريال ) لكل شهر لجواله .. سيدفعها الأن لكن لكل شهرين ..

وهكذا ..

وبصراحه .. ظهور منافسين يكون من مصلحة المستهلكـ .. لانه كل شركه بتطلع عروض أحسن .. وأحنا المستفيدين ..

//

بما انك طلبتي ذكر قصة لتنافس شركتين .. فبأذكر هالقصه وهي بين شركتين في أمريكا ..

لا يحضرني أسم الشركتين الأن .. لكن لنفترض أن الشركة الأولى اسمها ( تويكس ) والشركه الثانيه اسمها ( جالاكسي ) ..

طبعا هالشركتين كانوا متخصصات بالشوكولاته ..

الشركه الأولى اللي سميناها تويكس .. كانت تبيع العلبه بـ ( 12 دولار ) وكان سوقها ماشي زي الحلاوه ..

المهـم جا واحد وسوا شوكولاته ثانيه وسماها ( جالاكسي ) وهالشوكولاته كانت طبق الأصل من ( تويكس )

يعني نفس الطعم والشكل .. لكن اللهم غير الإسم بس .

المهم صار يبيع شوكولاتة ( جالاكسي ) بـ 48 دولار ..

تخيلوا عاد .. هي نفس بالظبط ( تويكس ) اللي تنباع بـ 12 دولار ..

يعني من هالمجنون اللي بيشتري شوكولاتة جالكسي وهي بـ 48 دولار وبيترك تويكس الرخصيه .. وهم نفس الطعم ونفس كل شي ..

لكن تعرفون وش اللي خلى الناس تشتري من جالكسي .. ويمشي سوقها ..

هو الاعلان ..

الإعلان كان ../

" أنت تشتري ( تويكس ) كي تأكلها .. لكنك تشتري ( جالاكسي ) كي تهديها لمن تحب "

فصاروا الناس كلهم يشتروا من جالاكسي لا يبون يعطونها لأحبابهم ..

مع أني فيه الأرخص ونفس الطعم ..

الزبده

إن العروض كلها متشابهه .. لكن تختلف في طريقة الإعلان اللي تجذب المستهلك ..

//

لا يسعني إلا أن أشكرك يا " حتى "

وترا سيبويه عالم النحو مات وهو في نفسه " شيء من حتى "

يعطيك العافيه .. وبإنتظار جديدكـ

دمتِ بأجمل حال