|
ياجمـاعـة الخيـر وش جـاكم علـى عبدالـرحـمن بن مسـاعد ؟؟
حيــــــــاكم ياجماعة الخير اذكروا الله  وراكم شابّين على الرجّال ؟؟ وش تبونه يسوّي ؟؟ اشوف فيه ناس تنتقد الادارة بعقل... وناس تدرعم وهي ماتعرف الكوع من الكرسوع  قسم بالله قمت اتحلّم بكلمة : ذبحتنا مثاليتك يابن مساعد السؤال العريض : وش تبونه يسوّي ؟؟؟؟؟ يشتكي على جماهير الاتحاد والنصر ؟؟ طيب حلو.... حلو كتييييييييييييييير  بس عند مين يشتكي ؟؟ وين تبونه يروح ؟؟ عسى فيصل عبدالهادي افندي خبري به الى الحين يصيح على هدف التسلل حق طلال المشعل  والا تبونه يروح للراس الكبيره ؟؟ قال ياشريم انفخ... قال مامن برطم والا سمو النائب المؤهل والكفء ؟؟ ما اخس من قديد الا عسيفان ياجماعة الخيررررررررر والله العظيم لو كان فيصل الله يرحمه موجود... كان اقول معكم حق  لكن بوجود عوير وزوير والمنكسر اللي مابه خير... وش ترتجون  ناس قبل كم يوم قاشعين مدرّبك مع سبق الاصرار والترصد ويتصيّدون عليك الزلات من أضيق المساحات ولو تقول ( آ ) صكّوك بقرار انضباط قبل ان يرتد اليك طرفك ويضرسون عليك وعلى لاعبينك وجماهيرك وماعندهم فيك وش تنتظرون منهم غير كذا ؟؟؟ طيب افرضوا طلع الرئيس عن طوره وخلع رداء المثالية وقام يهايط بالفضائيات تبي ترجع حقوقكم كذا ؟؟ تبونه ينزل بمستواه لعقلية ابوعلك وابومكياج ؟؟ خوذوها مني ياحبايب قلبي اميرنا ابخص بالوضع اللي حوله وعارف انه لو يشكي من اليوم الى يوم الدين ماحوله احد علشان كذا هو حافظ كرامته وساكت ياجماعة الخير الرجّال مهوب ناقص تهبيط همّه ابوه وابونا كلنا مريض ونسأل الله له العافيه والمعافاة الدائمة ونائبه مشغول بعلاج ولده الله يرفع عنه الباس ويرجعون بالسلامة وتصريحه عن عقاب ياسر صدقوني هو ابخص وش يضمن لكم مايصدرون بكرى قرار بإيقافه اربع شهور او ست ؟؟ نسيتوا ايقاف الجمعان في ايران ؟؟ ابوفيصل حكيم وقاصد انه يعطيهم على قد عقولهم وبعدين حنا امرنا عجيب يالجماهير اذا هو طالبنا بالحضور والمؤازرة... خذلناه ونجي بعدين بكل اريحية وننتقد عمله  سبحانك اللهم وبحمدك ... اشهد ان لا اله الا انت ... استغفرك واتوب اليك  | 