الموضوع:
رحلت جدتي
مشاهدة مشاركة بصفحة مستقلة
#
3
22/04/2009, 06:33 PM
عريب عبدالله
إشراقة المجلس العام
تاريخ التسجيل: 13/10/2004
المكان: الرياض
مشاركات: 3,979
الله يرحمها ويجعل الفردوس الأعلى مثواها
تذكرت أمي سارة الله يرحمها
كتبت لها هذه الأبيات بعد سنه من وفاتها والآن تجاوزت الأربع سنوات
ياجدتي مرت سنه وانتظرتك
مرت شهوري أنتظر مع سنيني
مره غفيت وفي منامي لمحتك
من عقبها ما فارق النوم عيني
أنام لاني في منامي وصلتك
انام وارجي في منامي تجيني
ياجدتي انا في بعدك عذرتك
ليتك على بعدي انا تعذريني
واصلت ليلي ومع صباحي سهرتك
والمووووت أقوى حال بينك وبيني
مره غفيت وفي منامي لمحتك
قلتي عريب شفيك ماتذكريني
والله انا في كل يوم انتظرتك
ودعيت لك في كل وقتً وحيني
وينك تشوفيني بعد ماتركتك
وبقيت وحدي بين آه وانيني
وادري بأنك راجعه وانتظرتك
وابنتظر طول العمر والسنيني
بس لاتقــولي ياعريب افتقدتك
لما اشوفك وسط حظنك خذيني
دنياي ما تسوى تعالي طلبتك
يمه خذيني ارجوووك لاتتركيني
بعد رحيلها بأقل من سنه لم يستطع جدي الإنتظار
كان يدور في المنزل وهو أعمى وينادي سارة وين معشوقة
كان يقطع قلوبنا كان يحبها بجنون
بعد حوالي سته شهور لحقها
بعد سنتين من رحيلها جت بنفس اليوم اللي ماتت فيه تاخذ عمي فهد
مات عمي فهد بنفس اليوم اللي ماتت فيه
الله يرحمهم ويجمعنا بهم في الفردوس الأعلى
الحين عمي فهد كمل السنتين من وفاته والله كأنه عايش بيننا
كل جمعه أتخيلة يدخل علينا
ويقول وش غداكم رز لا أنا مشتهي جريش
ثم نسوي له جريش الجمعه اللي بعدها ويقول جريش
أنا مشتهي مرقوق
كانت مزحاته مع أمي جميلة وأمي تصدقة
الله يرحمه كلهم ينذكرون بالطيب
كل مواقفنا معهم سعيده مافيه موقف محزن وما يروح الا الطيبين
أثرتي شجوني يالغالية
أعذريني على الفضفضة هنا
بالحب والإشراق
عريب عبدالله
مشاهدة الملف الشخصي
مشاهدة الموقع المفضل لـ عريب عبدالله
البحث عن كافة المشاركات التي كتبت بواسطة عريب عبدالله