نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - هل هــذي كرهـ لايعقــل يـآعـالم .. اكـتشفت اني اعمـاء ( بالصــور المتحركـه )

Mя.βάĐeя · #1 22/04/2009, 02:32 AM

بســم الله الرحمــن الرحيـــم ..

اول موضـوع لي في منتدى الريـاضه العـالميـه ..

نعــم اكتِشـفت اني اعمـاء وبوضحلكـم اني اعمـاء وبالصور المـتحركـه ..

طبعــا بما اني ماجـز ومعـطل ومريــح .. قمت من النـوم كعــادتي .. ادور شى يوسع صــدري ..

دق علي واحد من الشبـاب قال بـدر تخـاويني قلت ويـن .. قال بشوف مباراة ارسنـال Vs ليفربول ..

في المقهـى قلـت مجنون انا اضيع يوم اجازهـ علشان هـالدوري .. والله لو انــه الهلال .. ولا الفيحاء ..

قال جب لاب توبـكـ واشتغل نت وانا بتفرج على المباراة قلت دام الدعوهـ فيها نت يالله مشينـا ..

ويـجي الرجـال يمرني .. مارني من الساعه 9 والمباراة 10 .. قلتله خبل انت .. رايحين استـاد المجمعه برنابيو على غفله ..

..

قال طيب اركب خلنـا نلحق لنا على مكان في المقهى يافدغ ..

واركـب وانا مسوي فيها معصـب ..

ونوصل المقـهـى وانا اللي اضحـكـ .. يسكتني خويي ولازلـت اضحـكـ ..

قلت الشباب هنا خاشين جو كانهم في الملعب .. وهم في مقهـى بالله سفرهـم لليفربول على حسابي ..

طبعـا خـويي مسكني .. وذبني على الكرسي وحط قدامي طاوله وقال اسكت واشتغل وانت ساكت ..

واشغل الجهـاز .. واقعد ادور في هالنــت ..

وتبدا المباراة وانا معطـي وجهي للنت وللجهــاز ..

واسمع زعــاق غير طبيعي .. قلت بس انفجار والعالم ينحاشون ..

والتفت ولاهـ ارشيفين ياشر باوووووص .. واشوف العالم ينطنطون ويزاعــقون ..

صرآحه حسيت ان وجهـة نضري تغيـرت حسيت اني غــلط والنـاس صح ..

واصك الاب توب واقول لخويي مليت من النت ..

واشوف المباراة .. يانـــاس عيشو كورهـ ..

نعم اعمى لاني مأشـوف هالدوري ماشوف الدوري الانجليزي ..

كورهـ ويالهـا من كورهـ ..

نعـم كورهـ هنا كورهـ هنـآكـ ..

حسيت العالم هنـا يعيشون كورهـ ..

نعـم بديت قريحتي بالحمـاس .. بديت احس ان المباراة حمـاس ..

بما ان ميولي ارسناليه .. وبديــت اشجـع حتى انا سويت رابطه هنـاك وصرت غندر ارسنـال ..

ويجـي هدف الليفر

..

وانا اللي اسكــت .. وقلت وش ذا البؤوس اللي فيني ..

شوي ..

يسجلون الثــاني وانا اللي حسيت اني نحس ..

واسكـت واركـد ..

شوي ويــجيبلكـ ارشافين الهـدف الثاني ..

وانا اللي انهبل وزعـاق وتصفيق والله اني اصفق على الاعادهـ من الحمـاس ..

شوي ونهـدا ونتحمس ..

الا ويجيك ارشافين وي ..

يجيب الهــدف ارشافين وانا قعدت اتشقلب في المقهـى ..

وتصفيق ويـالها من مباراة ..

شوي ويجي هدف الليفر واسكـت اركـد ..

لاكن ارشافين يقول بـدر يسكت واصبعي يشم الهواء ..

^^
ياله من اصبع يارشافين ..

ونبدا نصفق وزعــاق وفلـه ..

شوي والليفر يجيب التعـادل

..

انا اللي اركد واسكـت ..

وتنتهي المباراة وينتهي السجـال ..

حتى الحكم من الحماس ماودهـ يصفر ويخلص المباراة .. ااهـ يادوري انجليزي ..

نعـــم عيش كورهـ نعــم دوري انجليزي لايمل ..

سجــلوني متـابع سجلوني مشجع سجلوني اللي تسجلوني فقــط خلوني اتابع الدوري الانجليزي ..

نعـم انا اعماء لاني ماشفت مثل هالدوري ..

مباراة مرت كانها دقيـقه من الحمـاس ..

صراحه اعاتبكـم ياللي في هالمنتدى ماقلتولي عن هالدوري

.. يالله يادوريـ الانجليزي ..

اخيرآ لقيت مباريات تحمسني اكثر من مباريات الفيحـاء ..

اسمحـولي ان كــاني طولت عليــكم لاكن اليوم هبـال لايوصف ..

بريمر ليــج ( مش حتئدر تغمض عينيـكـ ) ..

اسف على الاطــاله ..

بالتوفيق للهـلال والفيحاء والبرشا والارسنال في قـادم الايـام ..

تقبـلو اول موضوع منـي ..

محبكــم وصديقكم الجديد الانجليزي ..

Mr.bdr ..