نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

وجــدان · #1 21/04/2009, 05:29 PM

[SIZE="4"]

صباح / مساء الورد
الموضوع اهداء لكل من حس بمرارة الغيره او لذتها ..

مدخل ,

ياحبيبي لاتلوم ولاتثـور ..!
لاتخلي شك قلبك { يقتلك }
من عرفتك قلت لي طبعك غيور ..
وحتى أنـا طبعـي غيور وقلتلك ..!!

( لن يكون حبي لك بركاناً إن لم تشعله شرارة الغيرة )

......................................................................... وجـدان
>> قاطه ..! وش زودي عن هالفلاسفه كلنا نعرف نتكلم

تحدث الكثيرون هنا وهناك عن الغيرة ووضّح الأغلبيه مفهومهم لها وربما طرقهم الغبيّة لإقناع من حولهم بها ,
لمَ كل ذاك ..!
نحن لسنا بحاجة لدراسات تطول لإثبات وجودها من عدمه , سلّم نفسك لهذا الشعور دقيقة واحدة ولاتسألني بعدها ماهذا الجحيم اللذي يتملكك ..!
ليس شعور قاسي فـحسب بل قاتل ايضاً ..

بالنسبة لي أملك من الثقة مايكفيني لأعترف بأني غيورة وغيرتي لاتطاق أحياناً , قد لاأغار من شخص أبداً ولكن بالتأكيد من أجل شخص سأغار

شتّان بين الإثنان فأحدهما ربما يرتّد بك إلى قمة الإنحطاط والآخر صدقني سيسمو بروحك عنان السماء ..
ولازلت لاأفهم لم لايحب المحبوب غيرة حبيبته الجنونيه !! أوَ ليست دليل محبه ؟!
ولا وش رأيك ياشين الحلايا أنت وإياه .!

( أغـار من أبوي ..! )

أذكر مره طلعت مع أبوي مشوار مرينا السوق أبي آخذ غرض أبيه , تعّبت أبوي معي وأنا من محل للي جنبه وكل ماأحس إنه ملْ أقوله : بس خلاااص هذا آخر محل والله
وماطلعت إلا وأنا لافّه السوق كله

, قبل آخر محل قال ابوي : إدخلي أنتي وأنا بجيب لي ماء وأجيك قلت : اوكي ودخلت , طلعت لقيت بنت سوريه واقفه وتحاكيه

! وقفت من بعيد ماتحركت من مكاني كانت تتبسم له ومدري وش تبي منه ! هو كان يتكلم ويأشر لها على مكان بالزاوية وهي مصرّه إنها ماتفهم وتتقرب منه بعد , أول مره احس بالإحساس اللي حسيته انقهرت منها جيت لم أبوي وقفت جنبه ومسكت يده طالعتني ورجعت لوراء شوي , كمّل أبوي يحاكيها : يابنت الحلال شوفيه بهذيك الزاوية روحي هناك وبيعلمونك ( كان يوصف لها مصلى النساء )
قالت بدلع مصطنع : فيك توصلني لهونيك

؟! قلت أنا : لامافيه يوصلك

شايفته سكيوريتي عندك جزاه الله خير عطاك وجه ووصف لك ويالله لمّي أغراضك ودحدري , بدينا نتعاطى أنا وإياها بالكلام بعد قوية وجه ترادد , آخر شيء رفع ابوي صوته وقال : خلصنا

, سحبني وطلعنا ماأخذت اللي أبيه كله منها الشينه > قولي الصدق عاد

قسم بالله انها شينه هذا اللي قهرن ولاعادي خل أبوي يستانس

حرّمت أروح مع أبوي لهذاك السوق كله أجانب طخمان وحنا محنا ناقصين .. ناس غيورين ولاتهون الماما بعد
أحبتس يمه

.,

( تخصص شعللة غيره )

وقبل كم يوم مدري متى بس قريبه هالسالفه ..
كنّا جالسين بالصاله وأمي تبخر مجلس الحريم مرّ ابوي عطاني غمزه ومشى ( ناوي يشعللها الوالد

) وقّف على باب المجلس قال : له له ليه تتعبين نفسك يانوره ؟! ارتاحي وخلي وجدان تبخر البيت ( ترى أمي مهيب نوره بس ناويها نية الله يحفظه

)
كذا صارت عيون أمي

:
منهي نوره ! إيييييه صدق ماينأمن لكم يالرجال متزوج علي مسيار أكيد متزوج يلا أعترف وإلاّ تغلط بأسمي عقب كل هالسنين , كذا يعني هيّن الشرهه علي أنا موب عليك ..
أنا ماضحكن بالسالفه إلا نظرات أبوي البريئه ياهو مسوي نفسه بريء والله وضابط الدور ياأبو وجدان

أمي تكشيرة زعل ارتسمت بوجهها أنفكت بسرعة البرق لمّا ضحك أبوي بصوت عالي :
تغارين علي هااه

... طووووط يبه

لابس أبشركم تعوّدت أمي على هالحركات ولمّا يقولها : تسلم إيدك ياساره , تقوله : صحه وعافية ياخالد (للمعلوميه لاأمي ساره ولاأبوي خالد

)

طبعاً فيه مواقف كثيره مانقدر ننكر ان الغيرة فيها تكون مرَضيّه ..
عاد الغيرة وهي عاديه توجع فما بالك لو تصير مرض .. كان الله في عون كل من أٌبتلي به .. ماوالله يعيش حياته مبسوط ..

مخرج ,

أحبني بقدر ماتمتلىء تلك القلوب الظالمة بالحقد
وإكرهني بعدد الأوفياء اللذين عاشوا على هذه الأرض
فـربما سأضمن حبك الطاغي لي بهذه الحسبه ..!
..

..