20/04/2009, 08:04 PM
|
| زعيــم متألــق | | تاريخ التسجيل: 24/03/2006 المكان: الرياض- معقل الزعيم
مشاركات: 1,097
| |
اخوي محمد انت شكلك جديد جاي للرياض  انا طال عمرك كنت اول مسوي كذا زيك محترق وكذلك واسب واشتم والعن كل واحد من ذولا العرابجة الى يجي يطمر عليك في من بد كل السيارات ويعرض السيارة قدامك بس عاد بعد فترة جاني تبلد بالاحساس ولا عاد صرت اعطي بال للموضوع هذا وبلعكس صرت استمتع بالمرة اذا جاء واحد وعرض سيارته لانه للحين جنيت على اكثر من ستة ونصف عرابجة لانه اطلع بسيارتي والاشارة حمراء عليه واضرب بوري بعنف وكذلك اشغل النور العالي بدون شعور العربجي ينطلق ما يدري الا حاضن سيارة من اللى عندهم الاشارة خضراء  وتعرف انت انه التامين ما يشمل اللي يقطع الاشارة اما النص كان عربجي بس اللي حضنه كانت سيارة مرور واخذ قسيمة  اما اللي يوقف في المسار الايمن ويعطل حركة السير اصير خلفه وارفع صوت المسجل شوي وابدء اضرب بوري علشان احرق اعصابه وحتى لو انا ابي اروح يمين ما اروح اذا فتحت الاشارة اروح خلفه واضحك بوجه قليل الحياء اللي مقفل المسار الايمن بعدها ابحث عن اقرب لفه ترجعني الى طريقي اللي انا ابيه بصراحة انا احسدك اخوي محمد لانه انت شفت اشارة مشاة لانه انا الى الان ما بعد شفتها بالرياض ياريت والله انه تعطيني وين مكانها لانه والله ودي اصور عندها لانه اختراع يعتبر غريب في الرياض التريلات هاذي مخلوقات صعب التخلص منها ليه كيف وشلون ما ادري لانه هي اكبر مشاكل المرور بالرياض بالمناسبة اتصلت على مرور الرياض في احد الايام لكي ابلغ عن عسكري مرتشي كان ياخذ مبالغ مالية من قائدي التريلات من اجل رفع الخظر اللي عليهم من تحت كوبري الخرج وبعد ساعات جاني اتصال من اجل اكمال الشكوي بعدها استخرت الله وقلت لهم انا هونت عن البلاغ هذا لانه لاني حطيت نفسي مكان رجل المرور المرتشي لمدة عشرة ثواني بعدها كسرت خاطر نفسي لاني مالومه المسكين اما المطبات انا الصراحة اقولها انا مو معك لانه لو كانت المطبات الصناعية واضحة كان يكون ما لها لزمه وجودها لانه راح تكون مجرد لعبة يستمتع بها كل هواة السرعه تدري عاد على طاري ابو شرارة صار صديقي من كثر ما اتصل عليه وكانت مطلع عينه علشان دوار الاحساء اللى احمد الله انه نصرني عليه وخلاه يفتحه لانه كان مغلق للي جاي من السفوي ومتوجه الى شمال وكذلك غرب خوي الغالي لا تحزن مصير مرور الرياض يكون مثالي ان شاء الله واتمنى يكون هذا خلال العشرين السنه القادمة  |
