إقتباس الرسالة الأصلية كتبت بواسطة هلالي91 اول شي احب اهنيك صراحة على طريقة كتابة للمواضيع ,, وانت مشروع نجم قادم وما الوم ابو مقبل يوم راهن عليك نجي للمصطلاحات فأنت ماشاء الله فصلتها تفصيل ,, بس عندي ملاحظات على بعضها ,, مثل( سقها) فـ ودي اقول لك انها كانت ومازالت الافضل لذا فأسمح لي اقولك سقها مع احترامي لشخصك لا اشوفك تغلط على هالكلمة اجل تقول مستهلكة ؟؟ اما وش تحس به او وش تحس فيه ,, فهي افضل طريقة لتحطيم الواحد اما الباقي فكفيت ووفيت اخوي وماقصرت دووك>>> ( وش عنده الصخرة )

نورّت يالغالي بالنسبة لكلمة سقها فاأنا أشوف إنك تسوقها لأن هذه دراسة علمية
سواها العلماء وإكتشفوا أنها مستهلكة يعني ماجبت شيء من راسي
بعدين وش تحس فيه وإنت تقــلّـد الصخرة ..
دوك يالغالي ==>

إقتباس الرسالة الأصلية كتبت بواسطة وليد القحطاني ياهلا ياهلا ويامرحبا شكرا ماجد على نظرتك الثاقبة لهذا العضو الرائع الذي دخل قلوب الكثير من اول موضوع له ولا انسى ان ماجد راهن علي قبل فترة بس بعدها بيوم توقفت مو كل مرة تسلم الجرة ياماجد راح اتكلم عن الكلمات اللي اعرفها :- بخصوص كلمة سقها , هذي الكلمة مرت عليها فترة وراحت , وكان قبلها في كلمة درجها , ومعنى هالكلمات يعني انقلع بس الهياط لازم يزودونها حبتين وبخصوص كلمة وش تحس فيه , يعني اللي قالك هالكلمة مستغرب من فعلتك اللي سويتها وبيقلك وش تحس فيه وقتها يوم سويت هالحركة والتسليك حاجة مهمة في الدنيا , ولا بدونه كان مامشت امورنا وظبطنا وضعنا مع الناس وكملة جائع اعتقد مالها دخل في الموضوع , مثلها مثل كلمة فيني نوم او عطشان او تعبان شكرا لك على الموضوع الخفيف تحياتي وتقبل مروري

هـلا والله بها الطلة ابو قحط ليش ماعاد تنزّل اخبار ماش شفت نفسك يوم نزلت
مكأفاتك أجل لو يصير لك راتب موظف أحس بتسحب على المجلس بكبره
يالغالي كلامك كله تمام بس عندي تعليق على كلمة جايـع انا اقصد إن اصلها جوعان
بس بقدرة قادر تم تحريفها لجايــع كان هذا المقصد يالغالي ,,
شرفتني وليــدوو