اخواني راح اكون صريح بمعنى الكلمه وبدون مجامله انا اول مره اكتب في موضوع الحوار المفتوح

اخواني بالصراحه الهلال فيه ناس لو جاء في مكانهم شخص من لعيبة الحواري والله يمكن يقدم افضل منهم ولايستاهلون يحملون فنيلة الهلال وابي اضيف شي فيه لعيبه يلعبون علشان فلوس بس وانا راح اذكر كل اللعيبه اللي والله وجودهم في الهلال مثل عدمه اولا

محمد الدعيع كفيت ووفيت
اسامه هوساوي الله يعينك ماتدري من تغطي اخطاه تلقاه من نامي والا المرشدي والا الزوري على العموم انت صمام الامن للهلال
ماجد المرشدي يلعب على البركه ولايوجد له بديل يعني البدلاء ضايعين بعد مثله
محمد نامي قسم بالله انه يلعب معهم معهم عليهم عليهم يعني اساليب كرة القدم الحديثة لايفقهه ولايوجد بديل له
عبدالله الزوري بدون روح مره في المباره ومره في اجواء ربيعيه يعني لعب غير ثابت على مستوى ولايوجد بديل له
ولي هلمسون انت مكسب كبير للهلال
طارق التايب يلعب علشان يوسع صدره بس يعني طارق التايب الاول راح والان هو شبح طارق التايب ولابد من رحيله فورا
سول ومادراك ماسول هذا اللاعب بس لو يعلمونه ان اللعب بحماس وتركيز يمكن يجي منه لوني غسلت يدي منه يعني يرحل افضل
اااااااه يالشلهوب والله لو تبسط بمحل خضار ابرك لك ولنا حتى والله لندعيلك بالرزق يعني الشهلوب انتهى وبدون مجااااااااااملات خلاص يكفي ونقوله والله ماقصرت على زمان اول بس ياخي فكنا منك
احمد الفريدي الله يشفيك ويرجعك بالسلامه
ياسر القحطاني ياناس لاتلومونه والله مالقى وسط سنع ولا لقى هجوم معاه يعني ياسر بس لو يحصل وسط صح من جميع الاطراف صدقوني ياسر هو اللاعب اللي باي لحظه يعمل الفارق
محمد العنبر انا مادري من هو اللي لعب عليه وقايله انك لاعب حسم والله ياجماعة الخير ماعنده الا الدجه ولاتقولون سجل اهداف حسم لو جبت بنقالي وحطيته بمحله كان صلح افضل منه
احمد الصويلح انت انتهيت بالمره
فهد المبارك لو يعطونه ثقة بنفسه والله ليسوي شي بس هو مشكلته الخوف وعدم الثقه


المطلوب

يجب احضار قلب دفاع وظهير يمين وظهير يسار ووسط يسار وهجوم وغير هالكلام راح يمشي الهلال بالبركه