نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - سكارى يثيرون الرعب داخل شقق مفروشة في سويدي الرياض

ريكيلمي · #3 16/04/2009, 11:38 AM

ذكرتني بسالفة واحد من العيال

يقول مرة كنت عند مغسلة ملابس و طلع لي العامل جايب ثيابي للسيارة

و في هذه الأثناء مر مجموعة من المراهقين و يجي واحد منهم يرفع حصاة و يرميها على العامل براسه

يقول بدا يصب الدم من راس المسكين و ربطت راسه بشماغ عندي و دقيت على الدوريات حول 7 مرات و انا مركب العامل معي و ألحق هالمراهقين

و كل مرة يقولون الدوريات أنهم في الطريق و احتريتهم حول نص ساعة يوم مليت رجعت العامل للمغسلة و عطيته المقسوم و اعتذرت منه

يقو المهم رحت البيت و تروشت و بدلت ملابسي و مسكت الدايري لين وصلت طريق القصيم ( على فكرة هو ساكن بالسويدي )

الا و يجيه اتصال من رقم غريب يوم رد عليه قال المتصل معاك الدوريات وينك فيه

يقول جلست اضحك عليه و قلت خلاص مشكورين و ما قصرتوا العامل لو الضربة كانت قوية أمداه مات و تحللت جثته ما وصلتوا

اللي أبي أوصل له أن الدوريات نظامهم غريب الصراحة

دمت بود