نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - مـوذي فـرنسا ريـمي جيـلارد [ فـديـو ] + تم اضافة مشاهدة فورية

LBa your heart · #22 14/04/2009, 11:39 PM

إقتباس

الرسالة الأصلية كتبت بواسطة Mr.GoaL


	موضوع بايخ ياسالم مع احترامي لك شكرا يالسلمي ولو ان لي ملاحظه فيه موسيقي بالمقاطع وكذلك لو انك حاطها باليوتيوب تصير احسن واحد شكرا مرة اخرى ودامك جبت طارئ القذافي يمكن بكره ندخل المنتدى ببروكسيات اجل ملك ملوك اخوك محماس بن نجر

البايخ ردك مع احترامي لك

بالبداية كنت بجيبها من اليوتيوب بس قلت مالها داعي يسحبكم لمقاطع ثانيه واخذ ذنوبكم

مدري ليش حسيت اني قوي يوم شفت ردك

إقتباس

الرسالة الأصلية كتبت بواسطة رائدة الزعيم


	بما أن الحكومة دخلت الموضوع ماراح نحش بصراحة مثل هالأشخاص التافهين ما أدري وش يستفيدون أنا أشوف أنهم مرضى يحتاجون علاج حتى صاحبنا اللي راعي الموضوع ملك ملوك إفريقيا ولو أني ما أخاف على عضويتي أو المنتدى جبت شغلات أكثر أي منتدى أنا خايفة على رقبتي من جد كل هالأشخاص الواردة أسماءهم في موضوعك مرضى بجنون العظمة الله يشفيهم بس فعلا مثل هالأشخاص من المفترض ما نحقق مآربهم وننشر سخافاتهم عشان يعقلون وطبعا مثله أكثر اللي يجي ينكت نكت تافهه وينشرها بالبالتوك أو من هالشخصيات السخيفة الطفيليه المتسلقة على أمجاد الآخرين ما ودي أكتب رد طويل مشغوله بس حبيت أطلع الكلمتين اللي بقلبي بالحب والإشراق

والله يارائدة انتي مسكتي خط ثاني

انا حاط هالمقاطع تغيير للجو بعد الهزيمه

وانتي ماشاء الله رحتي يمين ويسار عن زبدة الموضوع

ويكفي رد الهلباني و t22_barsha

زين انك ماقلتي لي بعد تافه

إقتباس

الرسالة الأصلية كتبت بواسطة ريكيلمي


	و لك يسعد هالطلة يااااا حأ شفت له كم مقطع على السريع هالمهبول الله يحلل الفريان و يبيحه على الأقل يستحي على وجهه مثل هالأشياء أعتقد انها تبدأ بهواية ( أولها ولع ) تتطور لين تصير هوس و لحسة مزمنة القذافي هذا أصيب بجنون العظمة و المشكلة ربعه معطينه وجه ( ما فيه الا قوة تسليك ) مشكور حبيب ألبي على هالموزوع الزريف و لا تطول الغيبة

وليش ما تكون موهبة ؟

إقتباس

الرسالة الأصلية كتبت بواسطة Z ! Z OO


	أرحب براعي هذا الموضوع صاحب السمو .. معمر القذافي ملك ملوك أفريقيآ ..\| من جد ذا سخيف بس هذي الحركات أحسها ما تصلح بفرنسا ..\| خل يسويها عندنا شكله هذا وآحد عاطل .. ما عنده هدف في الحياة وجاي يسوي زحمه..\| تحياتي لك ولراعي الموضوع .. \|\|

والله انا مااشوف سخافه بالعكس كل مقطع له احسن من الثاني

يعجبني فيه لا حط براسه شي سواه وماعليه من احد

إقتباس

الرسالة الأصلية كتبت بواسطة عـز الهلال


	[ .. وعليكم السلام ورحمه الله .. ] .. يآخي مآلكـ " دآعي " يآ سلوم ليه مآ حطيت روآبط يوتيوب . ع العموووم يعطيك العآفيه سآلم و ان شاء الله أشوفها قريب .

ماني ناقص ذنوب اجيب لكم من اليوتيوب

إقتباس

الرسالة الأصلية كتبت بواسطة الهلباني


	انتوا اللحين نظرتوا للسلبي اللي فيه .. ومانضرتوا للايجابي الللي ممكن يسويه يعني مثلا لو احد اخذ موهبته وطورها ووصلها لعالم السينما يمكن يصير حاجه ثانيه ومن ناحية انه يكون متعري .. فالعراه عند فرنسا شي عادي جدااا . وهناك اصلا مخصص لهم شاطى يسمى " شاطى العراه " يعني جت على هالرجال . واذا انتم شايفين انه تافهه فانا اشوفه موهوب ولا انتم ناسيين السخافات اللي عندنا . بدايتها بالتفحيط ونهايتها بكلاش

اتوقع هالرد لرائدة

وانا اتفق معك بالكلام اللي قلته

إقتباس

الرسالة الأصلية كتبت بواسطة الفارس-5


	ههه تسلم والله على الموضع الحلو والله انة مهستر مهستر ووبقوة بعد ياعلية مقالب تمااااام تقبل تحياتي الفارس-5 ..................................

الله يسلمك

إقتباس

الرسالة الأصلية كتبت بواسطة abdogAg


	شفت له موضوع .. يلعب كورة قسم بالله فنااااااااااااان ... هو ولا لا ؟

ايه هو بزاااتوووه

إقتباس

الرسالة الأصلية كتبت بواسطة hilalemooot


	السلام عليكم يعطيك العافية سالم الآدمي هذا مهوي اذكر فيه برنامج فرنسي سوا معه مقابلة اخر البرنامج قلب هو المذيع هههههههههههههههههههههههههههههه هذا هو لهو عندنا اقل شي بيندبج ويحرم يسوي هالحركات مالك لوا هالشاطئ بالدنمارك على ذمه عادل إمام شكراً سالم

وعليكم السلام

هلا والله بولد حارتنا سابقاً

ايه انا شفت المقطع اللي تقصده بس والله انه قاادح

إقتباس

الرسالة الأصلية كتبت بواسطة وليد القحطاني


	لاهنت سالم ! فتحت للأخ مجلد بأسم : الفرنسي المهوي بحفظ فيه المقاطع وراح اطبق اللي يعجبني منها << منت بعاقل مرة ثانية شكراً

طبق وعلمنا وش صار معك

إقتباس

الرسالة الأصلية كتبت بواسطة abo_nasser


	هلا وغلا سلووووووم.. والله لك وحشه يا حلووو هذا الادمي شفته بس وين؟؟..ما ادري بس الاكيد ما شفته في حارتنا.. ليتك جبتها ع محبوب الملايين اللي انت اولهم (اليوتيوب).. ان شاءالله احملها..ونشوف هالداج الله يعطيك العافيه يارب.. سلااااااااااااااااااااااااااااااااااااااااام

هلا والله ابو ناصر

شكل عجبتك صورته بالزقاررره

و الله يعافيك

إقتباس

الرسالة الأصلية كتبت بواسطة هامور البورصه


	لي باك بعد ماشوف المقاطع ...................

لاتطول

إقتباس

الرسالة الأصلية كتبت بواسطة مَاهِينُورْ


	.. وعليكم السلام ورحمة الله وبركاته هلآ ومرحبا سالم ما شاء الله وش ذا الموضوع ؟ ذكرتني بغير البشر .. ريمي شفت بعض المقاطع , وماقدرت أحمل الباقي يوسّع صدره ~> لا والله .. الله يعطيك العافية يا صديق ريمي من زماان عن مواضيعك وردودك بعد ..

والله ياعليك اسم صعب حفظه

بس ليش ماقدرتي تحملين الباقي؟

اذا طلعت مشكلة قولي لي

إقتباس

الرسالة الأصلية كتبت بواسطة RO7_ALHILAL


	صدق من قال من طول الغيبه جاب الغنايم والله يـ هالآدمي مهبول ماهووب عاقل ابد مدري وش يحس فيه صراحه حسنته الوحيده هي اللي خلتك تنزل الموضوع بعد هالغيبه

احرجتني والله

وانا موجود مو غايب

إقتباس

الرسالة الأصلية كتبت بواسطة ماجد مقبل

تعبت ادور بين الموضيع موضوعك

حيا الله القاطع الضايع سالم

منور المجلس بالموضوع الجميل والخفيف

وبصراحة شفت مقطعين لصديقك المهوي ريمي

من جد خبل جعل الهبال مذهباُ >>> شعنده .....

لي عودة مع الباقي والله يستر لا يكون في شي هيك والا هيك

سلام

__________________

عدد المتواجدون في هذا الموضوع » 5 , عدد الأعضاء » 4 , عدد الزوار » 1
‏ماجد مقبل, ‏علاوي_99, ‏! بلدالوليد, ‏بلد الوليد+

شسالفة

!!!

هلا والله ماجد

بشر لقيت مصمم ولا تبيني اصمم لك خخخخخخخخخخخ

واذا بغيت مقاطعه اللي ماعرضتها هنا تعال لي بالمسن

إقتباس

الرسالة الأصلية كتبت بواسطة بلد الوليد

عدد المتواجدون في هذا الموضوع » 5 , عدد الأعضاء » 4 , عدد الزوار » 1
‏بلد الوليد, ‏CHEESE CAKE, ‏علاوي_99, ‏! بلدالوليد

^
علمي علمك

لا ومتواجدين مع بعض بعد

شكله معجب فيك هههههههههههههه

إقتباس

الرسالة الأصلية كتبت بواسطة إيقاع المطر


	وعليكم السلام ورحمة الله وبركاته الحين مالقيت احد يرعى لك الموضوع الا القذافي والله وصار مشهور هالخبل راز وجهه بكل مكان الفريان اجل توه هاوي ما بعد احترف بس الغريب انه ما لقى دعم من قنواتهم بس والله لعّيييب كوووره ما يجيبونه بدل ياسر الله يعطيك العافيه سالم كثر من هالمواضيع بلّغ سلامي لملك الملوك

انا شفت له كم مقطع مقابله بالقنوات حقتهم

لو يجي بالهلال راح يركب الفاولات صح

وبيوصل سلامك للقذافي

إقتباس

الرسالة الأصلية كتبت بواسطة t22_barsha


	هذا الي ضيعنا يالعرب ، لما نشوف أي موضوع أو أي شغلة نفتح عيوننا على المواطن السلبية نظرتنا سلبية بأشياء كثير ، العين الإيجابية مافتحناها ولو مره بحياتنا وأنا ماأعمم ،، أنا شفت كل المقاطع وبصراحة أشكر راعي الموضوع من كل قلبي الي عرفني على هالشخصية الي كنت ماأعرف عنها أي شئ ، أنا أشوف في هالمغامر الإبداع ، والله خفة دم وحبابة مابعدها ،، ولاحظوا إنه كل ماحط براسه شئ أتقنه أو على الأقل يصير قريب من تطبيق الشئ اللي هو يقلد ،، تشدني الثقافة الغربية والتطور الي وصلوا له ، طبعاً أنا ماأقصد إن الي قاعد يسويه خوينا تطور ، أقصد بتعامل الناس معها ، كانوا يتقبلونه ، ويشوفون وش عنده ، وأحيان تروح عليه وياكلها هههههه لكن لو هذا عندنا وسوى هالشغلات هنا وش تتوقعون ردة فعل النظام والشعب ؟؟؟ مايحتاج الإجابة معروفة .. هناك في الغرب ثقافة الإبداع والمبدعين ودعم البشر على كل الأصعدة .. وهنا في الشرق ثقافة الضياع والعطالة وقتل المبدعين في كل الأصعدة .. تحيات حارة يزفها لك وقتي الممتع الذي قضيته مع موضوعك الجميل ..

هلا والله

والله يشرفني ردك مع اني اول مره اشوفك

و جزء من ردك موجه لرائدة

اهم شي انك قضيت وقت ممتع مع موضوعي

..............

الله يعطيكم العافيه على المرور

وغرضي من الموضوع انسيكم جو الهزيمه لاني مسوي الموضوع من زمان ومخليه عندي

ونزلته بعد الهزيمه