إقتباس الرسالة الأصلية كتبت بواسطة [..ضياء الفيض..] أقول والله أنك من جنبها .. أجل أبو شروان يعرف يلعب ههههههههههههههه .. أبو شروان عنده قدم يسرى بس .. حشره خالد عزيز .. يوم اخذ كرت خالد تنفس .. حتى بعد ماسوى شيء يُذكر .. ثاني شيء الزعيم زعيم . . . والإتحاد فريق عادي جداً والدليل أننا قاومناهم وحنا ناقصين .. ويوم مباراة جدة بالدور الأول كنا ناقصين القحطاني ولا كان فايزين عليهم .. همسة في أذن سلطان بن فهد : الآن نم قرير العين أنت وأسير الشوق !

قدام الاستقلال، ثاني الدوري الإيراني (بفارق نقطة عن المتصدر)، أبو شروان قدر يصنع الفارق، على أرضهم طبعاً وبين 19 ألف مشجع من جماهير الاتحاد.

وأنت، قدام فريق ما تأسس إلا قبل كم سنة، وحالياً سادس الدوري الإيراني، وعلى أرضك وبين 19 ألف من مشجعينك، قاعد تراكض زي الدجاجة بس عشان تقدر تسجل!

وكالعادة ما يحسمها لك إلا مدافع إذا توهقت!

ثم تعال، اللي يسمعك الحين يقول أن الهدف اللي جاء قبل طرد عزيز ما صنعه أبو شروان، ولا يقول أن الهدف اللي سجله جاء برجله اليمين!

فعلاً شر البلية ما يضحك، قال ايش قاومنهم، وكأننا حنا اللي نلعب على أرضهم وبين جماهيرهم، أو كأننا حنا اللي نلعب على فرصتين وهم اللي ما عندهم إلا فرصة، أو كأننا حنا اللي متقدمين وهم اللي يدورون عن التعادل!

عطني جمهور فاهم، غير مطبل، وارمني في البحر!