نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

leo messi · #1 12/04/2009, 04:22 AM

السلام عليكم ورحمة الله وبركاته ..!!

وشلووونكم عسااكم طيبين ... يالله ان تحييهم اكيد مشتاقين لي ؟

والا يابريماكس ؟

الا على طاري الدباب

وش السالفه هاليومين العالم طايحين في مكاين الخياطة ؟ مدري من لعب عليهم وقال فيها زئبق ؟

كل ماخشيت منتدى لقيتهم محتفلين .. اللي يقول والله وجت قيمة الفكسآر واللي يناااقز .. بيروح يعلم امــه

واللي مكلم عمه حاجز ثلاث مكاين استخدام نظيف على يد عجز من ساعه فكها من الوكاله للحين << يحلفون انه مهوب انا

الحين باللهي هالمكاين اللي صنّعوها مايدرون ان فيها زئبق ؟؟؟ وراء ماخبوا الزئبق عندهم طيب ؟؟؟ والا الزئبق مايظهر فيها
الا بعد مايخيطون فيها روب عجيّز بشرط تكون لابسته سنه ...! ثم بعدها تبداء مرحلة الخياطة .. وإنتاج الزئبق ...!

طيب وراهم هالعالم ماشروا نادي الاتحاد ؟؟؟؟ مو يقولون فيهم ( زئبق ) يقاله محمد نور

خلوكم من الاتحاد ادري مالكم خلقه اليوم

طيب ليه ماشروا المجلس العام

؟؟؟ مهوب مليان زنابق << تورط بالجمع

عموما للجادين فقط .. هذي صورة المكينه ... وتراها دفع رباعي 8 سرندل

من يشتري منّي .. مكيـنـة الخياطة .... مضمونة الزئبق .. مع مكرةَ الخيط
اشتـر وعنك الفقر .. يفك ارتباطه ..... وتصير تاجر دون دراسة وتخطيط
اللي يبي الغنـاة .. ترا ذي إحـاطة .... واللي بغا الفقر يخاوي المشآغب وعبيط

قبل لا انسى .... الى متى وحنا مطارد وراء الاشاعات ؟؟؟؟

.