إقتباس الرسالة الأصلية كتبت بواسطة abo.a7mad انا دخلت المجلس العام واشارك وارد واحوس الدنيا وإلى الحين ما بعد دخلت ضمن قائمة الـ VIP المشكلة والله اني بعض المرات انام وانا فاتح صفحة المجلس العام والا داخل في موضوع وانام وأخليه , يعني لو يجي عضو الساعة 1 مثلا يشوف من الأعضاء المتواجدين في الموضوع انا ويطلع ويحوس الدنيا ويرجع الفجر يشوف الموضوع مرة ثانية يلقاني فيه تلقاه يقول يلعن بليسه ذا وش يسوي منداخل الحين انا لي في المجلس اكثر من 6 شهور وأحاول أحتك مع بعض الأعضاء امثال الصخرة و القيصر رهيب كتكات بس أحس إلى الحين يعتبروني من الأعضاء اللي يذبون وجههم في وسط مجتمعهم ان شاء الله ما تعدي سنة 2009 الا وانا من ضمن قائمة الـ VIP وأقعد أضحك على الأعضاء اللي يجون يذبون وجيهم

الله يصلحك يابو احمد

مدري وش سنع هالكلام

بس ليتك علمتني وش مصدر احساسك وانا اخوك

وبعدين وشو مجتمعنا اللي تحس انك داخل فيه عرض وذاب وجهك

كلنا اخوان وسمن على عسل

بس مثلك خابر.... الدعوى نفسيات

فيه الحار وفيه العصبي وفيه البارد وفيه السمح وفيه الحبيب وفيه النذل وفيه الرخمه

ولازم كلنا نستحمل بعض... من منطلق الاخوّة اللي دايم نتشدق فيها ولكننا للاسف ماعرفنا معناها

لاعمرك تهوجس بهالشكل... وتأكد انك غالي عند الصخرة وعند غيره

واخوي صاحب الموضوع

انا بصراحة اختلطت علي الامور... مدري انت صادز او تمزح او ( مزح بـ رزح )

عموما الله يكتب الخير والتوفيق للجميع... خرفان وسحالي وتماسيح وديوك وجراذي وفيران