نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

fcb 4 ever · #1 07/04/2009, 06:03 AM

بسم الله الرحمن الرحيم

(ايها الشعب الهلالي الابي) <<وش عنده ابو عدي

اخبار الزعماء ان شاء الله بخير ؟؟؟؟

انا بدخل في الموضوع على طول لاني لا اجيد فن المقدمات <<< مسوي مشارك بشاعر المليون

عندي كم نقطه حبيت اتكلم عنها وبخليها على شكل نقاط احسن

1- الله يوفق الزعيم الليله وكل ليله ونحقق الانتصار والدرع والاسيويه وتشريف الوطن بكأس العالم .

2-من بداية الموسم وانا اقول مفروض الهلال يركز على الاسيويه ويترك عنه البطولات المحلية لكن بعد الظروف اللي صارت للفريق (ومانبي نزيد ونعيد فيها) قلت ابي الاسيويه والبطولات المحلية لان الهلال دائما يجيب الصعايب

3- ياجماعة الخير والله اني اتمنى البطولات لاسعاد شبيه الريح وعشان ما يحبط اللاعبين ويحسون ان مجهودهم طول السنه ضاع وعشان اعضاء شرف الهلال ورجالاته .

4- اعضاء شرف الهلال قدموا كل نفيس في سبيل نجاح الزعيم سواء بالحضور او الدعم المادي والمعنوي ولا زال بعض الجمهور يطالبهم بشراء التذاكر !!!!

5- بعض المشجعين الله يهديهم يبي التذاكر مجانا وتي شيرتات وبالونات مجانا ولا يتفتش وهو داخل

وبعدين يفكر يحظر ولا يشوفها بالبيت

مو مشكلة لا تحضر بس ياخي لا تطلب الاسيويه والدوري ولاعبين مميزين لانك ما قاعد تثبت انك من مشجعين النادي .

6- وبعض الجمهور يسأل اسئلة غريبه عجيبه مين رئيس الرابطه اليوم ومين بيقعد جنبي بالملعب طيب مين اللي بيحكم ومين مراقب المباراة(عشان يتأكد ان الفريقين بينزلون بالوقت المحدد

) وبعد كل الاسئلة تلقاه بالمقهى قاعد يشوف المباراة ولا يحضر ويتلطم تقول منحاش من احد وطول المباراة وهو ساكت كنه قاعد يشوف المباراة ببيت خواله وفيه ناس ما يعرفهم

.

7- اخيرا يا زعماء الادارة ما قصرت واعضاء الشرف ما قصروا والمدرب والجهاز الفني والطبي ما قصروا الباقي توفيق الله قبل كل شي ومستوى اداء اللاعبين وحضور الجماهير ومؤازرتهم بمعني انو كل واحد ملتزم بمطرحه والجماهير كمان لازم تلتزم بمطرحها واللي مش هيلتزم بمطرحه حأطع لسانه من لغليغوه

(معليش قاعد اتفرج على مدرسة المشاغبين)

لا اله الا انت سبحانك اني كنت من الظالمين