السلام عليكم ورحمة الله وبركاته
الف الف مبروك للشعب السعودي الفوز المستحق والجبّار على منتخب الامارات
والفال للجايات ان شالله
قادرين ندكّ كوريا الجنوبيه في سيؤول .... وقادرين على الشماليه في الرياض بإذن الله
ندخل في صلب الموضوع
من شاف منكم اداء الفنان المخضرم .. حسين عبدالغني ؟
لاعب ... وُضع في مركز غير مركزه ... وشوفوا وش سوا
حرّك خط الوسط السعودي بشكل غريب
قطع الهجمات المرتده الاماراتيه بـ اقل تكلفه
اعطى ثقه في صفوف المنتخب في الشوط الثاني
ببساطه !!
الرجال
بيّن فيه الاحتراف
اثا نيوشاتل اشتغلت على ابوعمر فديت قلبه
ممكن تفكرون وتقولون ماامداه يروح ... ملعب معهم كثير .... الخ
بس بين الانضباط على ابوعمر
بين الحرص الشديد منه على الحفاظ على النتيجه
نايف هزازي
وش اقول عنه ؟
اماوري الكره السعوديه ؟؟
لاعب فنان فنان فنان فنان ... ذكرني بياسر في بداياته
كانت كل ماتوصل الكره لياسر ... اتوقع انه يجيب منها قول
ونفس الشي حاصل مع هزازي ... لاعب خطير جدا جدا جدا الله يحفظه من العين
فتى الـ 20 سنه يبدع ويتألق في تصفيات كأس العالم
اتمنى انكم تضموا صوتكم لصوتي ...
معاً لإحتراف هزازي
هاللاعب لو بقى عندنا في الملاعب السعوديه ... حدّه 3 سنوات وبعدها يصير منحوس مع الباب
ياجماعه فكونا من نادي فلان ونادي علان
وطنك اهم ... مستقبل لاعبك اهم
الحين من كان يتوقع انه حسين عبدالغني يعتبر اول سعودي راح يلعب في دوري ابطال اوروبا مع غلطة سراي التركي
نايف هزازي اقل منه ؟
نبي صوتنا يوصل لـ رؤساء الانديه ... وعلى راسهم الامير عبدالرحمن بن مساعد
لا لقتل اللاعبين
نبيهم يحترفون
المنتخب الاسباني يصنّف كـ افضل منتخب في العالم حالياً
ليه؟؟
لانه نص لاعبيه برى الدوري الاسباني
والنص الباقي يلعب في اسبانيا صحيح .... بس من معهم ؟؟
ايتو ؟ فان نيستلروي ؟روبن ؟ شنايدر ؟ هنري ...... الخ ... نجوم العالم عندهم
هذا اللي رفع اسمهم في عالم كرة القدم
منتخبنا الوطني يعد من افضل المنتخبات في قارة اسيا
ماودي احلف ... لكن السعوديه هي المنتخب الوحيد في اسيا القادر على اللعب بـ 5 مهاجمين .. وبنفس المستوى من الكفاءه
ياسر - مالك - سعد - هزازي - الشمراني - الراهب - بشير - << هذا وحنا قايلين خمسه
تكفون ياجماعه ... وصلوا صوتنا للمسؤولين
نعم لاحتراف الهزازي
معك قلبا وقالبا ياابوعمر
الفال لك ياياسر مع شالكه
مالك ارجع لمستواك علشان ادعي لك
والسلام عليكم ورحمة الله
