إقتباس الرسالة الأصلية كتبت بواسطة ابو طـــــلال وش هالعواصف اللى بالإمارات !!! مناظر أمطار العين وخصوصا ( هلي ) تخلي الواحد مايصدق إنه في هالوقت من هالموسم !! سبحان الله .. يقلب الأجواء من حال إلى حال .. كان شكل البرد رهيب .. بس سمعنا اخبار سيئه عن وفاء 10 أشخاص من هالعواصف .. الله يرحمهم !! نعود لسالفة زياد ... كان الحضور كثيف ... تسوده ( الفوضى ) خصوصا أنها في قاعه كبيرة ويوجد بها ( أمن ) في جميع مداخل وصالات القاعه إلا ان الحضور كان أكبر من سيطرة رجال الأمن ... الجميل في الموضوع حضور العامري .. مقدم شاعر المليون وسقوط ( غترته ) من الزحمة .. وتواجد جميع الشعراء الأوائل من السعوديه عدا الشاعرة المتميزه ( عيدة ) فقد كان متواجد الشاعر ( فارس التميمي ) و ( الظفيري ) و ( الشمراني ) وكلهم كانوا فرحانين ويباركون بالبيرق وكأنه البيرق لهم وهو فعلا .. كان فيه بعض الفوضى من الحضور وقد شعر بعض المقربين من الشاعر زياد بأن بعض الحضور كان ينوى إفتعال الفوضى والجو اللذي ظهر به بالأمس !! قاعة اليخت هي من أجمل قاعات مناسبات الرياض وهي مصممة على شكل ( يخت ) وهي ملك للشيخ حجاب بن نحيت ( والد زياد ) الحضور من المطار إلى القاعه كان بمرافقة من سياراة ( رسميه ) شرطة .. و شرطة سرية .. وكانت هنالك مجموعة كبيرة من السيارات المرافقة للحضور ... فيه حفلة بعد كم يوم .. بتكون بإذن الله للمقربين .. ومحفوفة ... سنحاول كتابة تقرير عنها وبالصور .. مع إجراء مقابلة حصرية لشبكة الزعيم مع زياد ... كل هالأمور يتم ترتبيبها وهنالك موافقة مبدئية .. بس متى تركد هالزحمة .. زياد يستاهل البيرق .. ضحى بمستقبلة والله ماخيب رجاه .. وواثق الخطوه يمشى ملكاً شكرا لك دلع يو آي إي

مرحبااا بــ بو طلال

شفت جونا كيف ... والله اجواء غريبة وعجيبة وامطار ... صراحه من زماااااااااان ما شفنا شراته ...

اي مناظر تقصد ؟؟؟ ( شو تقصد بـ هلي ) ..؟؟؟
تقصد منطقة هيلي ... اهناك الله لا يراويك شو مستوي ... الخيمة مالت الاعراس طارت
حتى درايش البيوت متكسرة ... واحنا بيتنا البلكونه بكبرها طاحت داخل الصاله والحمدلله انه محد كان واقف او يالس
ع الكراسي اللي قرب البلكونه الله ستر والله ...
وثلوج غير طبيعية ... مب بس برد حتى ثلوج اتقول انك في اوروبا ...
لحظة برب ادور لك صور ...

















وفي صور بعد ... لكن هاذيل يكفون



وعن الوفيات ... والله اكثر من 10 اشخاص

ياللي انغرق وياللي طاح الزجاج عليه وياللي بحوادث ... وياللي بالدراجات وياللي ياللي ياللي ...

الله يرحمهم كلهم يا رب ...

::

والحمدلله ع فوز زياد ...

بس اللي سمعته يوم يابوه في اف ام الامارات انه ما استقال ...

ولي العهد استثناه كم شهر ...

بس ما اتوقع ... انا اقول انه فعلا استقال ...

ما يندرى الصراحه

وبوطلال ... نبى الاستضافة باقرب وقت ممكن قدر الاستطاعه ...

وياليت لو يكون متواجد معانا في الشبكة كضيف عشان نسأله وهو يجاوب ...

شكرا ع المرور ...