نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - @@@أحدااااااااااااااااااااااث تمرين اليوم @@الأحد 1/4 @@@

hassan007 · #1 29/03/2009, 09:05 PM

السلام عليكم ورحمة الله وبركاته,,,
كيف الشباب ...بشروني عنكم؟!!
اليوم ما كنت ناوي أروح التمارين..لظروف خاصة<<وش عنده بيل جيتس

المهم قررت إني أروح وأجيب لكم أخبار النادي والتمارين لعيونكم يا أكوس ناس بالعالم<<ما يعرف يسلك صووف

الموهم..تأخرت شوي اليوم ما رحت الا بعد صلاة المغرب..وتأخرت في الطريق شوي..لكن جيت على وقت كويس وراح أسردلكم أخبااار التدريب بالتفصيل الممل بس تحملوني ...(تحملتك بما فيه الكفاية ولا ظني أبتحملك ثاني)

الموهم هذي أهم الأحداث اللي صارت في تمرين اليوم:
1-أول تمرين طبيت عليه كان مناورة بين الفريق الأساسي والفريق الرديف وكان الفريق الأساسي مكون من (الدعيع وياسر والعنبر والمفرج وسامي والتائبوسيول وحبيب القلب ساميو

) وكان لون الفريق الاساسي ازرق والفريق الرديف لونهم أخضروقد تغلب الفريق الاساسي على الفريق الازرق>>أووخص ياللغة

2- ياسر لعب في المناورة قلب دفاع مع المفرج ..والله إنه من جنبها في الدفاع

تسحب الين أذن.
3-سامي لعب لعب ...حركة ونشاط وتمريراتوأهداااف والله باين عليه أبو عبدالله مشتاق للكورة ...أساسا من اللي قاله يعتزل

.
4-بعدين المدرب قسم اللعيبة الى قسمين ناس يتمرنون على الدفاع وناس يتمرنون على العرضيات...بالنسبة للمجوعة الأولى خلاهم المدرب يتمرنون على تشتيت الكور من على القوس واحد واحد وأول واحد كان المفرج

ثم خيرات ثم صالح الدوسري ثم عمر الغامدي ثم الخثران .
بالنسبة للمجموعة الثانية..خلاهم المدرب يتمرنون على العرضيات وأكثر ناس بدعوا في التمرين هذا هم الصويلح ماشاء الله عليه سجل جميع الكور تقريبا ثم العنبر اللي جاب قواين على كيف كيفك ثم سول اللي والله جاب أهداف جوناااان

ياخي مدري اش يبي ذا اللاعب في التمارين تشوفه تقول بس وش ذا الأسطورة وفي المباريات يجيب الطاعة ...اه يا سيول الله يصبرنا عليك>>ارتفع ضغطه

5-في التمرين هذا صار فيه نوع من التنسيم ..قولوا كيف؟؟
الذياب عرض للصويلح كورة طلع عليها العتيبي يبي يمسكها راحت عليه وما قدر عليها جاك الصويلح ويلعب بالكورة بالشويش(يعني بهدوء

)عشان يلعب بأعصاب العتبيي..جاك الشمري من الباب ويجلس ينفخ على الكورة عشان ما تدخل قول

ينعن أووم التنسيم

أهم شي بس فهمتوا

.
6- الغنام اليوم كان يجري حول المضمار...وهو يجري شفته يضحك شكل الرجال متذكر شي يضحك..لكن أنا قلت العن أم الوسوسة

<<تفكيره بايخ

7-بعد نهاية التمرين كان فيه سواليف وضحك وفلة بين المغيربي والتائب والخثران والمفرج.
8-حضر تمرين اليوم وفد مدري أسرة مدري عيال مدرسة والله مدري وش السالفة ..الموهم سألت واحد منهم قلت وش السالفة؟قال:أي سالفة..هههههه عاد أنا صرفت الموضوع وقلت سالفة نامي أفضل لاعب في مباراة أمس

....................................................................................................
والله يا شباب هذااا أهم الأحداث اللي صارت في تمرين اليوم من وجهة نظري اللي مدري وش تبي

وانتظروا المزيد من التغطيات ...
بالنسبة للصور بعض الأعضاء يقولون نبي صور والله راح أحلوول في التغطيات الجاية إني أجيب لكم صور قدر المستطاع<<يبغى يصرفهم

.................................................................................................... .
دمتم في رعاية الله ,,

أخوكم /حسن