بسم الله الرحمن الرحيم
صبحكم الله بالخير ياجماعة وعندي بعض النقاط ودي اذكرها لمباراة اليوم اللي اتمنى من الله انه ينصرنا .
اولا منتخبنا الوطني الان في ام المهالك صراحة المدرب الجديد والمستوى رايح فيها مابين نقاط ولاعبين والله يستر .
المباراة راح تكون في ايران والكل يعرف من تكون ايران لما المنتخب السعودي يجي يلعب في ملعبها تلقى الجماهير مالية المدرجات من الاول للاخير واللاعبين مشحونين لان منتخبنا لو فاز راح يلعب لعبته ولو خسر راح ترتاح ايران وكوريا من الحسابات الباقية .
انا من وجهة نظري المتواضعة والتي بنيت عليها رواكز كثيرة انه لو كتب لنا الله الفوز راح نتأهل لكأس العالم ولو خسرنا مابنعرف لا كاس عالم ولا كاس الحارة اي بمعنى اصح يانكون او لا نكون .
بتقولون ليه قلت كذا المنتخب السعودي سمعته سارت ولا شيء بصراحة والدليل التاريخ دون فيه سلبيات جديدة وهي الهزيمة الاخيرة مع كوريا يعني من جرف لدحديرة مابقى برنامج ما قعد يترحم علينا .
في هذي المباراة هي المحك الرئيسي للمنتخب ولا له غير الفوز وهذا شيء مانختلف عليه ماعلينا من اللي قبل حنا ضيعنا اللي كان بيدنا ولازم ناكل اللي في يد غيرنا نبي نرجع سمعتنا ونبي نثبت للي يتربصون وخاصة اللي في الاتحاد الاسيوي ان الاخضر باقي اخضر ماذبل ولا راح يجف من الانتصارات .
طبعا المهمة راح تكون اليوم على عاتق اللعيبة ولاظنيت ان المدرب راح يتأثر لا سمح الله لو خسرنا اكثر من اللاعبين لان هذي فرصتهم والمشكلة اغلبهم مالعب كاس العالم وهذي فرصتهم يجب ان يطمحوا لذلك .
في الأخير الله يوفق منتخبنا وتوقعاتي اذا بنفوز فهو بواحد صفر بإذن الله .
