نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - قبل لاتعبي بنزين ،.،.،.، أدخل هنا مهمــــ

المـشـاكـس · #4 27/03/2009, 03:06 PM

هلا ابدوجاج

..
ياخوك وش هالخبير .. ما صار بنزين ذا ..
لو اني اشتغل بمحطة وجاني واحد يشيك لي على كل الشغلات ..
عطيته العشرة ريال وارسلته يعبي من محطة ثانية

..
لابوه لابو فلوس تجي من وراه

..

تصدق ..
احيانا ما اتذكر اني اشيك على تواريخ الانتهاء ..
الا بعد ما اخلص العلبة

..
هذي وهي فيها تسمم

..

بعدين بالله ابسأل سؤال ..
يعني لو سويت هالاشياء كلها .. كم بوفر يعني .. ريالين ثلاثة

..
الحمد لله البنزين عندنا يعتبر بلاش مقارنة بهم في اوروبا وامريكا

..
لذلك هم يهتمون بهالكلام .. لأنه ممكن يوفر خلنا نقول فرضا لتر واحد في كل تعبئة ..
كذا صح .. الواحد يهتم بهالتفاصيل .. لأنها تفرق

..
اما احنا الحمد لله .. اغلى نوع لتره بستين هللة ..
يعني لو عبيت بثلاثين ريال واربعين هللة .. بتقول له فلله غصب .. والا تقوم تدبل للسيارة .. والا تعطيه 60 هللة له وتروح

..

لا هنت على النصائح

..