انا استغرب هذا الكم اللي عندكم

من الانتاج الحصري وما تم الاستفاده منه

يعني تقدرون تسون كلاسكيات الدوري الانجليزي اللي كان ملكيته لكم

او حتى كاس العالم تقدرون تسون برامج عن النجوم

دوري ابطال اوربا انتم قاتلين الاثاره اللي فيه ولا مسابقه مثل هذي

مالها برنامج اسبوعي يتكلم عن الفرق ويعيد الاهداف

او يتكلم عن المسابقات الماضيه

اما الدوري السعودي صراحه ملينا من اعاده المباريات

انا هلالي وامل لما اشوف مباراه لنا تعاد 99 مره وبالذات مثلك خابر ان دورينا

ينلعب اسبوع وشهر واقف

اما البرامج ما يحتاج اتكلم عنه حتى الجوله ذبحتوه لما كان

يجي كل اسبوع كان مرررررره مميز وكل الناس تتابعه

اما الحين صاير بتاع كلوا مره نشوف فوده ومره نشوف الشنيف

وهذا عن التحكيم وهذا عن امور فنيه

ولما يجي موضوع ويساله المذيع يرد انا مالي دخل انا اسالوني عن الامور التحكيميه

طيب انا كمشاهد يمكن ما احب اتابع البرامج التحكيميه الا اذا كان فيه شي مثير للجدل

لاني مقتنع ان الفوده نظامه خالف تعرف

الاخراج اتوقع ان الاخوان كفوا ووفوا

اما من ناحيه المذيعين مافيه مذيع يعرف يدير الحوار

واكثر شي ضحكني اني اقرى له الصبح بالجريده

وبالليل مذيع في قناه النادي بذمتك كيف اقتنع فيه

ولا بعد ما يخلص من انه مذيع يدز ويصير ضيف في الجوله يعني وصلت لهالدرجه

ياجماعه ترى لنا عقل لا تفكر ان الاشتراكات اللي عندكم عشان الاحترافيه اللي تتشدق بها

او البرامج اللي اعلاناتها اكثر من وقت البرنامج نفسه المشكله الوحيده

التي جعلت مثلك(اسمح لي ع الكلمه) يكذب ع الهواء ويصارخ نحن بسبب الاحترافيه لدينا

اكبر عدد من المشتركين انت تعلم ان الشعب مجبور فاتمنى منك ات تحرك قليلا من ضميرك

ترئف بحال الشعب الذين جعلوا تحت رحمتك يا (مدير الكره السعوديه) عشنا وشفنا

اما ناحيه الاحترافيه اتمنى تعود الى الحلقات اللي كنت تتكلم فيها عن الجوهر وتعرف ان كنت

تعرف من الاحترافيه شي ام لا

واسمحولي هناك الكثير بس الشكوى لله