| المثير للسخرية أن اللي يرقعون للتايب من رجعته ما عندهم إلا هالجملة "التايب على الأقل يحسمها لك" و "التايب يعطيك كور أنت وضميرك" و "التايب لاعب يخلصها لك".
تدرون كم الفرق بين العنبر والتايب من حيث صناعة الأهداف وتسجيلها؟
تراه ما سوى هالشيء المميز هالموسم عشان يقولون أنه واحد يصنع الفارق، لو فيه أحد أثبت عدم قدرة الفريق على الاستغناء عنه فهو ويلهامسن.
أما أبو نادين، فكل كورة لازم باص عيون، أو مناولة طويلة (ولازم تكون أرضية!) من الصندوق للصندوق عشان تنقطع!
وللمعلومية يا شباب، ترا التايب لعب في كذا نادي، ولاعب محترف، وحالياً بباله شغلات أهم من أنه يدخل المنتدى عشان يشوف وش فلان وعلان قالوا عنه عشان تطالبون صاحب الموضوع بالسكوت! (كل ما جاء واحد يناقش شيء، قالوا "ذا وقته؟" حتى لو كانت ضد أبها)
اللي يثبت جدارته هو اللي يجلس، وذا كان أسلوب كوزمن، أما أنك تجامل بس عشانه يرقص الفريق الخصم وكل كورة والثانية لازم يلتفت يمين ويعطيك إياها يسار وإلا يكعبها لك، فالدوري بهالمرحلة الحرجة مو سيرك.
مو معقولة كل من قال "أنا أحب الهلال" نطبل له وإلا نتعاقد معه، والله لو أننا نجران وإلا الوطني!
تراه ما حبك إلا لأنك فريق بطولات والإدارة مريحة لعيبتها وتعاقدت وتجديدات بالملايين وكرسي مضمون في الآسيوية، وغيره.
هو يحب النادي واعتزل دولياً عشانه، بكيفه، ما عليه نحط تواقيع ونقول "يا رباه" ومادري وشو، بس لا جاء الصدق فالنادي أهم.  | 