^ ^ ^

يا اخي المسالة ماهي تقليل
لكن انزلو الناس منازلهم

انا اشوف ان فيه كثير من الاراء مخليه مورينهو داهية زمانه

ويستشهدون بارقام واحصائيات وانا ما اقول فيها شي

بس اشوف المديح والثناء من جماهير الانتر خصوصا وكأنه جايب لهم خاتم سليمان

واللي اشوفه حاليا ان الانتر متصدر وهذا شيء طبيعي لان الفريق خلاص عنده خاصية البطل ولا فيه منافسين اقوياء , مانشيني اللي الكل يجمع انه مدرب عادي جدا جاب الدوري العام الماضي مع الانتر وسبق وجاب السوبرقبل الكالشيو بولي وقدام كابيلو بعد !

يعني انا اشوف مورينهو ما اضاف للانتر شي اللهم التصريحات الساخنة والمثيره
وهذا هو الشي الجديد , بس المشكلة ان البلد كلها تصريحات ولزخ في الجرائد ولا فيه احد له صاحب بالتصريحات
ليبي الاسطورة مارحمته الصحافة حتى وهو بالطريق لكأس العالم
ولا رحمت كابيلو ولا غيره
مورينهو قاعد يتلاسن مع الصحافة وهذا هو الشي الجديد
صحافة ايطاليا تختلف كليا عن صحافة انجلترا , ولاحظنا مورينهو يتنرفز من بعض الاسئلة واحيانا يسحب عليهم
وطبعا هالتصريحات ممكن تكون وبال عليك , مثلا قبل مباراة مانشستر كان واثق من الفوز لكن انهزم يعني ليه تصرح من الاساس وانت ما تعلم الغيبـ