اخي العزيز....
اولا اتمنى عدم التشكيك في حب الجمهور للهلال لمجرد انتقادنا لخطا سامي..
ثانيا الكلام عن تاريخ سامي في غير محله الان ....سامي الا الان لاعب محترف وكابتن للفريق ويجب عليه خدمه الفريق وعدم التذمر والتخاذل...اذا اعتزل نبدا نتكلم عن تكريمه وننتقد الي يتنكرون لانجازاته.
بتقول المدرب مايبي يلعبه وبقول ليش لعبه مع النصر وهو عنده الصويلح والدوسري ووووو...
وحتى لو افترضنى ان المدرب مايبي يلعبه مو منطق تروح للبنان بيجي بكره الجمعان يقول بروح دبي والشريد وخليل يبون يروحون لاهلهم في الشرقيه ... حركه سامي تسبب عدم استقرار ومشاكل داخليه احنى في غنى عنها.
وياليت تقرى ردي الي تحت على موضوع مشابه وتشوف كيف النجوم يحترمون تاريخهم ومدربيهم ونجوميتهم.
ومره ثانيه اقول ان مصلحه الهلال فوق اي لاعب والتشكيك في حب الجمهور للهلال في غير محله... حبينا الهلال م جيل النعيمه وعبادي الهذلول مرورا بابو يعقوب وسامي وبنستمر مع ابطالنا الجدد انشالله.
ياليت سامي يرجع مثل اول والا يعتزل بذكراه الجميله
=======================
والله عيب الي يسويه سامي للفريق وتاريخه هو شخصيا...
قال مقابله...سامي شغلته الاساسيه لاعب محترف مو محلل...وبعدين سامي ما اشترك في كاس الخليج كلاعب...قوايه وجه...
سامي كابتن الفريق...المفروض هو قدوه وموجه للاعبين...اي رساله قاعد يوجهها سامي لهم...باعتقادي هي كدعوة صريحه للتخاذل خصوصا مع عقليات لاعبينا الغير ناضجه من ناحيه الانضباط...بدايه من انتقاده للمدرب ومرورا بسالفه بيروت...ولا ننسى وجوده في جنيف ايام السوبر...
ياشباب علشان مانطبل لسامي وعلشان تعرفون ان الي يسويه سامي مسخره المفروض يعاقب عليها اسمعو المثالين هذي...
باجيو الي يعتبر لاعب اسطوري جلس على الاحتياط سنه كامله وهو في قمه مستواه مع الانتر على ايام المدرب ليبي ولم يتخاذل او يتهرب يوم عن التدريب ولم ينتقد المدرب...كان رده في الملعب لما لعب مباراه وحده ولما انتقل لبريشيا...
مثال ثاني من كره القدم الامريكيه...Emitt Smith من افضل اللاعبين في ال American Football ومعاه كم رقم قياسي " ارقام قياسيه فعلا مو عدد مباريات وكلام فاضي" ومع ذلك جلس 3/4 السنه احتياط وكان مع ذلك قائد للاعبين وساهم في استقرار الفريق....
قال مقابله وكاس خليج...اللوم عليه وحده...المدرب مو في كليه عسكريه...اذا الكبتن ما انضبط كيف نلوم الباقين?
ياليتك تعتزل وتريحنا ياسامي.... |