نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - .....الــــ خ ــــر و ج.... م ـن... الإطـــــــار........

عريب عبدالله · #42 24/03/2009, 01:21 AM

إقتباس

الرسالة الأصلية كتبت بواسطة هامور البورصه


	اول شي نسيت اقول شي بردي الاول عن موضوعك والمفروض اني اكتبها اول سطر اول شي موضوعك بايخ وسخيف وسامج بكيفي مهوب انتي تقولين الشباب اذا شافو موضوع بنت قعدو يمدحونه انا ابي اكسر هالقاعده المهم هههههههههههههههههههههههههه اما ماما وأبي طيب قولي اماه ابتاه ولا كمليها ماما بابا انا صراحة ماشوف ان الام والاب يقدرون يأثرون على عيالهم ويخلونهم خجولين الخجول خجول والقوي وجه قوي وجه حتى لو قعدت امه فوق راسه وتردد ولدي خجول ولدي خجول والله ان ولدتس مغسول وجهه بمرقه اي خجول مثل حنا عندنا طلاب بالجامعه اذا طلب منهم الدكتور يقرون قسم مايعرفون يقرون مع انهم مافيه اقوى منهم وجه واكثر منهم نفاق قسم اني استحي اطالع فيه وهو قاعد يتعتع اخاف احرجه يعني الي ابي اقوله ان الي ما يعرف يقرى هذا من نفسه وفيه طلاب خجولين عندنا بالمحاضرة لو تطالع فيه نزل عيونه من الحياء اذا طلب منه الدكتور امه يقرى تلاقيه من افضل الطلاب يعني بالعربي الخجل ماله علاقه بهالاشياء انا معك ان الام والاب يمكن يأثرون بشخصية الطفل لكن مايكون بالطريقه هذي انهم قالو ولدي خجول خلاص صار خجول شيدريك انتي فيه هينا اعضاء مراهقين ما يدققون شينه زينه اهم شي صورة بنت الله يهديك بس تجرجرين اعضاء المنتدى للرذيله <-- من جد عجبتني هالنقطه وهاك هالوردة على هالفلسفه وسوري ع الرد الثاني

أولاً أنا عاجبني موضوعي لكن اللي منرفزني أنه غير مكتمل أقصد رفع ضغطي ومالقيت العبارات الأقل والأكثر نقل للفكرة
ولا يهمني عجبك أو ما عجبك لأن رأيك ما يهمني

كلمة أبي طلعت غلط

<<<بس بتفوز في مسابقة الأخطاء العشرة بديهتك حاضرة

سالفة الخجل هذا الولد طبيعته خجول فمن واجب الأم دعمة وتشجيعه عشان يتجراء

أما الطفل قوي الوجه فواجب أمة أنها تعطيه دوافع إيجابية أنك عاقل محترم عشان يصير عاقل

ماراح يكون عاقل لكن ماراح يكون بثر وعدواني لما توجه أمه بثارته في شي مفيد وتعطيه فرصة يجرب ويتعلم ويعيش طفولته

مثلا وحدة أعرفها ودي أمسك عيالها وأجلدهم لين يعضون الأرض

لأنهم يحتاجون طق وحتى أمهم يبي لها طق
تخيل مخليتهم على هواهم إن طقهم بزر جلدوه ومدو لسانهم"ضربني وبكى"
وما يبقى شي ما يخربون لدرجة أن بنتها عمرها أربع سنين إذا بغت شي سوت نفسها أغمى عليها
تخيل من هالعمر وتعرف التمثيل وش بتسوي لما تكبر لأن أمهم تربيتها غلط والبنية تلفت نظرها بهالأسلوب

أي طفل تبي تفتك منه عطه وجه والعب معه خمس دقايق ويمل منك ويبحث عن وجه جديد

الأم والأب لازم يتعلمون طريقة التربية ويعطون أطفالهم مساحات

المقارنه بينه وبين طفل ثاني قيد وإطار تجيمة في سلوك واحد قيد وإطار

في علم الطاقة أنت ترسل ذبذبات للشخص اللي أمامك حتى يتصرف بطريقة معينه

يعني مثل قانون الجذب أنت تجذب السلوك لنفسك وللي حولك <<شطحت

اللي أبي أقوله عط أبنك حرية لكن علمة كيف يتصرف فيها مش ترمية بالبحر وهو ما يعرف مبادئ السباحة

أدعم توجه طفلك وخليه يجرب ويعتمد على نفسة يتحرر لكن مع معرفة مبادئ الحرية

خلنا من الأطفال

لو بتكتب قصيدة من الشاعر الأفضل بالنسبة لك

الشاعر اللي كتب قصيدة على وزن وقافيه معينة أو الشاعر اللي أخذ وزن وقافية اللي قبلة ورد عليها

الشاعر الأصلي أو الشاعر المقلد

الشاعر الأول عرف بحور الشعر وكتب قصيدة بإحساسة وقافيته الخاصة

أما الثاني فيعتبر ناضم لأنه جا وقلد غيرة حتى بعضهم ما هو فاهم المفردة

إذا حبيت شاعر مميز السبيل الوحيد أنك تكون مثله مميز هو أنك تبتكر طريقتك الخاصة في الكتابة

أنت في كتابتك للقصيدة معك مبادئ الشعر لكن لك بصمتك عليه

لدرجة أن بعض الشعراء تعرف أن البيت هذا له لأن بصمته واضحة على البيت

مثلا بدر بن عبد المحسن شاعر لكن مافية شاعر يكتب بطريقته وشعراء كثير
لما أقراء قصائدهم أقول أن بدر سبقهم بهالفكرة

العبرة في الفكرة الأولى لمن تكون أنها تكون من إبتكارك أما المبادئ فالكل يمتلكها

لكن من لايعرف مبادئ العوم سيغرق ومن تعلم المبادئ سيسبح سباحة ظهر أو فراشة أو غيرها

شكرا طارق على الوجود الثاني والا تدري من غير شكرا هذا مكانك

بالحب والإشراق