نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - .....الــــ خ ــــر و ج.... م ـن... الإطـــــــار........

هامور البورصه · #9 23/03/2009, 02:54 AM

هلا رائدة لقد انني اعتذر عن عدم تعديل ردي

والتأخر بالرد على موضوعك

بسم الله عليك امنتك

من اولتها مخالفة لـ شروط وقوانين المنتدى ، المنتدى يمنع وضع صور النساء

<= يسمع بالتحجير

إقتباس


	لما كنا أطفال تربينا على صح وغلط ودائما تردد الأمهات بفرح ولدي خجول ولدي شيطاني ولدي مؤدب كل هالمفردات يأخذها الطفل على أنها مسلمات وأنه مستحيل يكون غير الصورة وغير الشخص اللي في عيون الأم"الأهل" على هامش الوصف يعيش الطفل ويكيف تصرفاته يكبر الطفل ويصير المراهق الخجول المراهق المزعج المراهق المؤدب

طيب شي طبيعي نتربى على صح وغلط اما سالفت ولدي خجول وولدي شيطاني هذي
تعتمد على نفسية الانسان يعني بعض الناس تلاقيه بطفولته انواع البثاره وماخلى احد الا وفلقه
وسبحان الله لما يكبر شوي تلاقيه صار مؤدب وحبوب والعكس فيه ناس كثير كانت طفولتهم هاديه وكانو راكدين مع انهم بزران

بس لما كبرو صارو مهبل
يعني انا اعرف واحد كان اعوذ بالله بثر لدرجة ان معاد فيه احد يحبه كل كلامه عن نفسه
سويت وحطيت ورديت وانا احسن من فلان وفلان المفروض يسوي كذا له سنه الحين تقريباً قسم بالله ودك تسمع صوته
الانسان انقلب 180 درجه صار خجول لدرجة انك تتضايق منه يعني لين جيت تكلمه عساه يرد عليك من خجله
صراحه للحين مادري وش سالفة هالانقلاب يمكن حس ان الناس كرهته ويمكن فيه اسباب ثانيه الي ابي اقوله ان الانسان الخجول المؤدب والاشياء هذي مايحددها الاهل
يمكن يكون لهم دور بالتربيه صح لكن بـ مجرد انهم قالو فلان خجول خلاص صار خجول طول العمر

انا معك ان الاهل بعض الاحيان يحطمون اطفالهم ويخلون مالهم شخصيه مثل اعرف بزر عندنا يالله فيه بثاره غير طبيعيه
يعني بتطلع تصلي . يقولك وين بتروح ؟ تقوله بروح المسجد . وش بتسوي بالمسجد ؟ ابصلي . ليه تصلي ؟ اعبد ربي . منهو ربي ؟

ومايخلص
انا صراحه ماتحمله لانه مهوب واحد من بزاريني اذا كثرها معي صكيته بكف وقلت فارق لكن ابوه انوااع الاجوبه
وبالعكس حلو انه يكثر اسئله لانها تفيده لكن افرضي ان ابوه كل ماقاله شي الولد قاله اقطع وخس وانثبر خلاص الطفل هينا يكون متحطم ويصير يستحي انه يسأل

إقتباس


	لازلنا نمارس ثقافة الإستحسان حتى بعد أن كبرنا والسبب أن هذا ما تعلمناه منذ نعومة أظافرنا وحتى بعد تجربة خروجنا من المنزل الى المدرسة ماتعلمناه في المدرسة هو الإنضباط وأن نكون كما خطط الآخرين لنا تعلموا عشان ماتخذلون أهلكم متناسين أن تعلمنا حتى نصبح أنفسنا الحياة نعيشها مرة واحدة لماذا نسمح للآخرين رسمها لنا بالطريقة المناسبة لهم مستغلين التأنيب لننفذ مايريدون صح نحن نفعل ما نوافق علية لكن بإيحاء من الآخرين "ليش درجاتك كذا فشلتنا"

انا صراحة النقطه هذي مافهمتها

ومشوار اقراء الردوود عشان افهمها لكن الي فهمته منها او حاولة افهمه منها انك ماتبين يكون هناك حدود او ماتبين احد يعلمك
اذا انتي تقصدين الشي هذا وليه دايم الي أكبر مننا يرغمونا على اشياء حنا مانبيها
يمكن هم يشوفون اشياء انت ماتشوفها يعني بعد فتره بتتزوجين وبيجيك بنات واولاد
اذا انتي تقصدين الشي الي انا فهمتها ماراح تلزمينهم بتنفيذ اي شي ابداً ؟

رائدة الزعيم يعطيك العافيه عـ الموضوع