إقتباس الموقـــــــــــــــــف الأول : أنت راكب بالطيارة ومعك أعز إنسان على قلبك ( دون تحديد شخص معين ) وفجأة اشتغل مقرفون الطيار وسمعته يصيح ويقول : السادة الركاب .... الهجة !! الطيارة طايحة طايحة !! لاأعرفكم ولاتعرفوني !! وكل واحد يدبر عمره !! طبعا لقيت الناس يطامرون مع هالدرايش وكل واحد معه ( براشوت ) ويوم جيت تطب اكتشفت إن الشخص اللي هو أعز إنسان على قلبك ......... مامعه ( براشوت ) !!! وش تسوي إذا ماعلمت أن لكل براشوت قوة احتمال لشخص واحد فقططططططططططط ؟!!

أخليه ياخذ برشوتي ولا بغلى عليه;)

إقتباس الموقـــــــــــــــــف الثاني : شخص غثيث و... بثر !! مايخلي موقف إلا ويسيء لك !! ومايخلي فرصة إلا يخطي عليك !! ومايخلي مجلس إلا ويتكلم عليك !! ومرتن من المراريت كنت تمشي ولقيت ثلاثة من وزن ( الفيل ) جالسين ( يمردغون ) في هالشخص !! وفجأة شافك هالشخص واستفزع بك وقال : تكفى يافلان !! وش تسوي ؟!!!!!!!!!

أسوي روحي ما سمعت شي وأكمل طريقي
أو إني أهج مع الأفيال الثلاثة:p:p

إقتباس الموقــــــــــــــــــف الثالث : واحد عزيز على قلبك اضطريت مرة إنك ( تتسلف ) سيارته وتروح فيها مشوار ولكن لسوء حظك صدمت بسيارته صدمة تبي تكلف ( 500 ريال ) !! يوم جيت تعطيه خمسمية ريال صاح فيك وقال : والله ماآخذ ولاريال !! ياأخي أنا تكفيني سلامتك والحديد كيفه !! المشكلة ماهيب هنا !! المشكلة إنه بعد فترة اضطر خويك نفسه إنه يستعير سيارتك لمشوار قريب وبهالمشوار صدم بسيارتك صدمة تبي تكلف ( 10000 ريال ) !! وش تسوي ؟!!!!

يعطيني الفرق (500)

إقتباس الموقــــــــــــــــــف الرابع : معك شخص غالي بالسيارة بين الحياة والموت !! وياتلحق ياماتلحق !! وسافط طبلون السيارة ومتجه لأقرب إسعاف !! وبالطريق ومع سرعتك الجنونية تفاجأت بشخص قدامك ماقدرت إنك تتفاداه !! للأسف دعسته !! قدامك حلين : إما إنك توقف وتشيله ومع هالزحمة يبي يروح عليك الوقت وبالتالي يبي يروح عليك الشخص الغالي اللي معك !! أو إنك ( تطنش ) وتكمل طريقك إنقاذ الشخص اللي معك !!وش تبي تسوي ؟!!!!

أول شي أطنش
بعدين إذا تذكرت رجعت واخذته للمستشفى

وعلى فكرة الموضوع مرة حلووو

وأهلا بعودتك إلى منتخب المجلس العام للشياب