السلام عليكم مرة أخرى..

إقتباس معليش اخوي انت شوف هم ايش قصدهم الموسم الماضي واللي قبله ومايبوون انو اول لقب لشاعر المليون لشاعر سعودي ولا حتى الموسم الثاني

طيب ياأختي.. وش مصلحة الإمارات تعطي اللقب لقطر في الموسم الأول و الثاني؟؟
وش هالعلاقة القوية بين قطر و الإمارات.. ليش ماعطوها شاعر إماراتي؟
ياأختي.. قطر عندهم قوة بالتصويت.. و أكبر دليل على ذلك.. (مسابقة شاعر المعنى)
مسابقة سعودية 100% و أقيمت في أبها.. برعاية الأمير فيصل بن خالد أمير عسير..
و أغلب الشعراء المشاركين سعوديين.. و مع كل هذا.. أخذها الشاعر القطري: علي الدعيّة!
و هذا دليل على قوة قطر بالتصويت..
و الشبرمي أتاه التصويت من خارج قطر.. من قبيلته (مايحتاج أتكلم عن كثرتهم) و أهل ديرته (حائل)..

إقتباس وبعد ماشافو الخساير هالسنه خلو في الحلقه النهائيه سعوديين يبوون بدال الخساير الماديه اللي فقدوها يرجعون يربحون

أي خسائر تتحدثين عنها.. و نسبة التصويت للشعراء السعوديين هذه السنة.. عالية جدا..


=======


الغالي: ولد عنزة.. (يعلم الله إني أحبك فيه.. و إن كنت أختلف معك)

إقتباس آولآ آنآ ضد آن بنت تشآرك في برنآمج ثلاثه اربآعه رجآل ! آين الحيآء ؟ آمرآءه صوتهآ يلعلع في المسرح وفي التلفآز !

نحن لانتكلم عن هذه النقطة و هذا رأيك و احترمه جدا.. و بالمناسبة رأي نفس رأيك في هذه الجزئية خصوصا..

إقتباس آمآ اسآس آني حكمت على عيده , فآنآ شفت لهآ مقآطع في اليوتيوب من عضو في شبكه الزعيم ( نآسي اسمه ) كآن يجيب لنآ موآضيع عن قصآئد الشعرآء بروآبط اليوتيوب ..!

لن أقول لك: بأنك لاتفهم في الشعر.. بل هذا رأيك و هذه ذائقتك و أنت حرّ في مايعجبك و ما لايعجبك..
لكن.. لو قلت بأنه قصائدها لاتطربك أو أنها ضعيفة شعريا.. كان الأمر هيّن..
لكنّك نفيت عنها الشاعرية تماما.. بقولك: (أنك لم تقتنع فيها كشاعرة)
اعتقد أنّك ظلمتها كثيرا..

إقتباس وثآنيآ هالبرنآمج لآ اثق فيه بتآتآ يعني من وصل للمرحله متقدمه من البرنآمج لآتحكم عليه آنه شآعر جزل وافصل من الي طلعوآ لآن آلي يحكمون عليهم لآ يعرفون الشعر جيدآ , !

صحيح أن التصويت يلعب دور في البرنامج.. لكنّ
لن يستمر شاعر (ضعيف) مهما كان التصويت الذي معه.. إلاّ في حالات نادرة جدا..!

إقتباس آمآ عن نآصر الفرآعنه بآلنسبه لي آفهم شعره وآلي زين شعره طريقه آلقآئه ! لأن بمعنى كلآمك تقول آن نآصر الفرآعنه مجرد شآعر القآء وليس شآعر آبيآت ومعآني !! ؟؟؟

أخوي.. لا تقولني شئ ماقلته..!
أنا قلت بالحرف الواحد (ناصر.. شاعر كبير جدا)..
و تكلمت عن الناس اللي (فقعوا روسنا).. بأحقّية الفراعنة للقب.. و المشكلة أنّهم لايفهمون
بيتا واحدا مما يقول.. بل و لايعرفون من الأدب و الشعر إلا الفراعنة.. ثم يأتون..
و ينتقدون هذا و يسبّون ذاك.. و هم لايفقهون في الشعر شيئا..!!
و أرجع و أقول: ناصر من أجزل شعراء الخليج إن لم يكن أجزلهم على الإطلاق,
و لست أنا من يقيم شاعر فحل مثله.
(ملحوظة: أنا لا أدّعي هنا أنّني النابغة أو الأصمعي.. لكنني أطرح رأيا فقط..)


أتمنى محد يزعل و ياخذ الموضوع من منطلق شخصي..
فأنا أحبّكم جميعا..


شكرا لكم..