مرحبا فتى القصيم وهارد لك،،،،

إقتباس حين تقرأ هذه العناوين يدور ببالك ان هذه العبارات تخرج من اعضاء شرف هلاليين داعمين في اجتماع اعضاء الشرف في قاعة الاجتماعات بنادي الهلال في الرياض - العريجاء.. ولن تتوقع ولو 1% انها تصدر من مشجع (يتبطح) تحت النلفزيون في استراحات (السلي) او مقاهي (الفحص).. وبكل بساطة يطلق هذه العبارات من دون حتى ان يفكر في معناها او مكانها الصحيح..

أليس لهم الحق في التعبير عن رأيهم؟؟؟؟؟

طيب انا حضرت امس يصلح انتقد ولا مايصلح عشاني لابس فروه؟

إقتباس وصلت (قلة الحياء) الى التطاول على رئيس النادي!! ومن قبلها التطاول على لاعبين يضحون من اجل الفانيلة الزرقاء.. ومن ادنى خطأ (بشري) ينسف التاريخ والمجهود والعرق بل وحتى المادة والوقت والسهر..

يالله يالله قاتلهم الله قاتلهم الله


طيب ياخي اذا طالبوا الرئيس بالاستقالة يعتبر تطاول؟؟؟

اجل اللي طالبوا الثنيان بالاعتزال متطاولين عليه؟؟؟؟ واللي يطالبون سامي الحين بالاعتزال يتطاولون عليه؟؟؟

وش هالمنطق بس؟؟؟

إقتباس حين تقرأ العناوين (اعلاه) تتوقع ان الهلال هبط الى دوري المظاليم.. وان المفرج (مجرم حرب) والامير عبدالله بن مساعد (مخرب) والمدرب اديموس (حاقد)..

لا بس ماحصل شي... من بداية الدوري وحنا نخسر ونتعادل ونخسر ونتعادل ماحصل الا كل خير.....!

إقتباس عبدالله بن مساعد الذي يبذل الوقت والجهد ويدفع من جيبه الخاص يطالب بالرحيل من اجل خسارة.. والمفرج مطالب (بقضب الباب) من اجل غلطة تسببت في خسارة 3 نقاط لااكثر ولا اقل (وهي غلطة بلا شك ولكنها لا تستدعي كل هذه الضجة)..

والله اذا كانت غلطة تضيع 3 نقاط الا تستاهل الضجه ونص...

إقتباس @ تشكيلة الهلال في هذه المباراة هي الافضل عطفاً على ظروف الاصابات والنقص الذي يعانيه الفريق..

الافضل؟؟؟
تشكيلة فيها المفرج هي الافضل؟؟؟

تشكيلة مافيها وسط ايسر تقليدي هي الافضل؟
تشكيلة مافيها الا مهاجم واحد هي الافضل؟؟

إقتباس @ غياب الرائع (بندر المطيري) اثر كثيراً على الجهة الهلالية اليسرى واثبت ان قناعة (اديموس) في المطير في محلها..

اذا كنت تعرف معنى رائع فهي مصيبة واذا لم تعرفها فالمصيبة اعظم!

بمعنى اخر كنّك تقول المطيري كويس؟؟؟
الله يخلف علينا اذا صار المطيري ممتاز..

إقتباس @ غلطة فهد المفرج في الهدف الثاني نسفت عند البعض كل مستوياته المميزة في المباريات السابقة..(شد حيلك يابطل)..

مستوياته المميزة ضد من؟؟؟
ضد الفرق العادية؟؟

إقتباس @ حماقة احمد الدوخي حينما ركل (النصراوي) الداوود تحتاج الى عقوبة عاجلة من ادارة النادي خصوصاً وان الدوخي عودنا على مثل هذه السلوكيات الشاذه..

بعد المباراة اتصل بي احد الاصدقاء النصراويين يقول الدوخي المفروض يشطب على حركته ضد الداوود...! قلت منيب معطيك الرد الا اذا شفتها في الفيديو... بعد ماشفت اللقطة قلت الله يخلف على النصراويين اذا صارت هذي متعمدة ...! والحين للاسف اشوف واحد من جمهورنا بنفس تفكيرهم...! لاحول ولا قوة الا بالله

اتحدى اي واحد اذا كان الدوخي قاصدها... رجله بشكل طبيعي ضربت في الداوود اللي ماقصر وسوى اللي عليه من مبالغات وتمثيل...

تحياتي...