نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - الشباب السعوديين والعمل في القطاع الخاص.. الى متى الجدل البيزنطي والنظرة القاصرة ؟؟

ღKhaLiDღ · #27 18/03/2009, 02:46 AM

إقتباس

الرسالة الأصلية كتبت بواسطة الـصـخـرة


	الدوام يبدأ الساعة 7,30 او ثمان.. الاجنبي على الموعد.. والسعودي كل يوم متأخر الساعة 9.. الاجنبي منهمك في العمل.. والسعودي يقرأ الرياضية الساعة 10.. الاجنبي منهمك في العمل.. والسعودي طالع مستأذن ساعة الساعة 11 .. الاجنبي منهمك في العمل.. والسعودي توّهـ راجع وماسك قوطي سفن اب الساعة 11,30 .. الاجنبي منهمك في العمل.. والسعودي رايح جاي بين المكاتب وسواليف مع الشباب واستهبال على الهندي عامل الشاهي الساعة 12 .. الاجنبي يرتاح في وقت الـ( BREAK ) .. والسعودي يطلع يجيب خواته من المدارس الساعة 12,30 .. الاجنبي يواصل العمل.. والسعودي مابعد جاء الساعة 1 .. الاجنبي منهمك في العمل.. والسعودي مابعد جاء الساعة 1,30 .. الاجنبي منهمك في العمل.. والسعودي توّهـ راجع وماسك قوطي بيبسي الساعة 2 .. الاجنبي قاعد يتطلّب السعودي يخلّص له المعاملات اللي عنده الساعة 3 .. الاجنبي منهمك فيما تبقّى من عمل.. والسعودي نازل تحت عند البوابه يستهبل على السيكورتيه الساعة 4 .. الاجنبي يسترخي في مكتبه بانتظار نهاية الدوام الساعة 5 .. والسعودي ( يفخت ) من بعد صلاة العصر

أنا لو ألقى وظيفة مثل هذى وتدبرني يا الصخرة أقدم إستقاله بكرة

وبحكم أنك تعرف أن خوك واقعى وليس مثالي فهذه الوظائف تعد مطلب

((آهـ يا قلبى عليها))

ندخل بالجد :-

أنا أتوقع إن النظرة تغيرت بالنسبة للوظائف أعني القطاع الخاص بعد دخول الغالبية العظمى من الشركات في نظام التأمينات الإجتماعية !
والرواتب المجزية والبدلات والحوافز !

فعندك ثلاث أنواع من الناس الباحثين عن الوظائف في المجتمع السعودي
(( من رأيى المتواضع))

واحد ((ملعون أبو خيّره))

ويدور القرش ...
فالراتب الشهري ((يفرق)) معه ... يتجه مباشرة للقطاع الخاص خاصة إذا كان صاحب ((مؤهل)) فكما تعلم الشركات ((الكبرى)) تحديداً تبحث عن المؤهل !

واحد ((بطران)) ولد نعمه مطخطخ شوي يدلعونهم ((عيال التجار))

هذا يدور عن وظيفة ((برستيج)) فتصلح له الوظايف الحكومية اللي ما فيها تعامل مباشر مع المواطنين. جرايد وشاى وفطور لا و يجيك تعبان من دوامه و يرجع يتغدى ((سوفليه))

والأخير ((متوهق))

شلون متوهق يعني ما عنده ((واسطه)) فهذا لو تحصل له وظيفه ((بقلعة وادرين))

قال ((قدام)) .... ويتحمل ترتبات وترسبات هذه الوظيفة وجو العمل فيها !

ندخل باللغه العربية ونترك العامي شوي

بالنسبة للعمل والانتاجية فيه تتحمله للإدارات بنسبة كبيره
فهى من يخلق الحافز لدى الفرد ((الموظف)) ...
وتخالطه نسبه من الشعور الداخلي والعادات و ((التربية)).

لكن الدور الأكبر يكون على عاتق المدير المباشر أو المشرف على العمل!
وهناك العديد من الأسليب المتخذه لتحفيز الموظف ! أو ((ترهيبه))

على سبيل المثال لا الحصر مبدأ الثواب والعقاب

ونرجع للعامي شوى عشان أفهمك وتوصل بشكل سلس وجميل:-

لو عندك مدير أقشر

أو أقيشر

غصب(ن) على ساسك بتنضبط في الدوام...

ولو مديرك صحيّح على نيته وما فى شخصيه

... يلعـ .. أم الفله

تحياتى وترانا فاقدينك وعلى فكرة أنا مطلق عليك لقب ((فريان منتدى الزعيم)) لأنك كنت كثير بس جتك عين حسبى الله على إبليس العدو

ولا تحرمنا طلتك ولاا ...

^^^
باللبناني