هلا بك مرقدي والله... هلا بالشعر والطلة

معليش هالمرة ابرد على تعقيبك واخلي قصيدك الاخيرة بعدين لان يبغالها تامل وجو

تقول استازي بعد صورة خطاب بين السطور من شبكة الاحرار

إقتباس الخطاب الذي كتبه المصيبيح بيديه الكريمتان يقول فيه فيما معناه دبروا لنا مبالغ حتى لو ( سلف )

شي طبيعي يقول حتى لو سلف لان الممول توقف فجاة والادارة لا ترتبط ماليا بالفرق السنية زي ما جاء في تعقيب عكاظ وزي ماهو معروف فكان لازم المصيبيح يتصرف ويدبر ميزانية الفريق بمخاطبة الادارة لو مؤقتا حتى يتضح الممول والداعم سواء ابناء الامير سلطان او غيرهم. ما كان قدام المصيبيح الا مخاطبة الادارة لانه كذا والا كذا الفرق السنية تتبع نادي الهلال وليس المريخ السوداني فمن الطبيعي ان يلجأ المصيبيح للادارة ويطلب منها مساعدة فرق الهلال السنية ماليا وليس فرق المصيبيح السنية وهذاك تشوف يا عزيزي بندر بن محمد بكبره وليس المصيبيح المسكين في اشرافه الحالي على المدرسة والناشئين والشباب يطلب مساعدة الادارة ماليا وكل اللاعبين اللي يسجل الامير بندر يدفهم على الادارة للتسديد واتحداك تقول ان سموه مثلا دفع ريال واحد في الصويلح او العنبر او غيرهم وهو امير ونائب اعضاء الشرف فكيف تستغرب ان المصيبيح يتسلف من النادي عشان فرق النادي

إقتباس مع العلم بان أحد أعضاء الشرف تبرع بمبلغ وقدره

جزاه الله خير ابن عمار تبرع بمكافات 7500 ريال وحنا قاعدين نتكلم على ما يقارب المليون متراكمة(180 الف تقريبا في الخطاب) مهوب سبعة الاف الله بس يهديك وتبخ عليك شوي برفان الحقيقة .

ياخي فكر شوي الحين المصيبيح يبي يعترف بسبع الاف جته لتسيير امور الفريق ويلهف مليون

إقتباس طيب يمكن المبالغ اللي صرفها المصيبيح كانت ( متسلفتها ) إدارة النادي بناءا على خطاب المصيبيح أو ( تبرعات ) من أعضاء الشرف

هذاك قلتها(يمكن)

اذا بتحط بذمتك شي وتقول ان المصيبيح كان يزرف من اعضاء الشرف وبعدين يكذب على ادارات الهلال و يطالبهم باللي صرفه فانت حر ياخي ..ذمتك وانت حر .. بس احب اذكرك بشي واحد ترى كلها جلدة منفوخة على قولة السليمان وحتى اللي ما يبون المصيبيح كاداري زي ابن سعيد وبندر يمدحون امانته ولا اظن تاصل ينكرون المستندات اللي قدمها.

ودمتم سالمين طلال سلمان