هلا هلا والله وغلا أخوي سهل 888 تو ما اسفرت وانورت
وينك يا((عاشق النمر)) تشوف الناس مهوب انت وسلكك اللي ذلني فيه
المهم اخوي سهل وش رايك تسير علي والله يا عنديلك قهوة يحبها
قلبك وعنديلك شاهية ماذقته في حياتك والا مرة :p :p :p وعنديلك اللي تبي
المهم تعال سير بس اوصف لك لا تفهم قصدي (مصلحة) الحياة تعاون وانا اخوك .
شف كل اللي ذكرته يسار وانا يمين انا ما عرفت الا الرسيفر ولاشتراك في البريد
والويندوز والاكسبلور الاصدار الخامس والصحن او الطبق والباقي الله يخلف ما فهمت شي .
والا عليك امر يا انك تسير علي والا قلي فيه محلات يسوونها في الرياض وياليت توضح الاسئلة اللي ذكرها الاخ المسك .
أنا كنت أقول هذي الاشياء كلام في كلام ويوم شفت الـ art والشات تايم والقنوات الثانية بيني وبينكم معاد استبعد اي شي كل شي يصير لا وفيه طريقة يمكن لها سنين بس الحين وقفت الاتصال بالجوال على كيف كيفك من دون والا شي وهذي شفتها مع واحد واستخدمت جواله الين قال امين وعادي اخونا يقول كلم اللي تبي وفعلا الفاتورة جته بقيمة بسيطة 300وكسور والله ما اذكر بس في حدود 300 ريال ما تتعدى وجلس اخونا قرابة التسعة اشهر وهو ما يقصر مع احد الين مدري غيرو او شفرو الجوال فا كل شي جائز عموما .

ولك وللجميع تحياتي ,,,