باااااااك مع اسئلة الغالي والاب الروحي هلالي موت

بس قبل اي شي انا لي سؤال لك كم مرة نزلت للاردن !!

إقتباس - ذكرياتك بالاردن .. وش المكان اللي ترتاح فيه هناك

ذكرياتي بالاردن كل خير الحمد لله انبسطت وتعلمت اشياء كثيرة احلى مكان كنت ارتاح فيه هو خلدا ومرج الحمام الاول لان بيت خالي هناك والثاني لان اعز اصحابي بالمنطقه هذي وطبعا الموضوع لا يخلو من طلعات لاماكن حلوة

إقتباس - باعطيك اماكن وابي تعليقك عليها .. ملاهي الجبيهة .. شارع القاردنز .. البحر الميت .. مطعم ريم البوادي و المنسف اللي يسوونه بالذات

ملاهي الجبيهة : الجبيهة كلها اخ منها هواها يرد الروح طبعا هي من اعلى المناطق في عمان واغلب الايام جوها حلو ملاهي الجبيهة برأيي افضل مدينة العاب في الاردن

الجاردنز : طبعا فيه مثله كثير لكن يبدولي ان لك فيه ذكريات خاصه شارع حيوي ويعتبر من الشوارع الراقية نوعا ما

البحر الميت شي خطير بس مالح ... البحر الميت حلاوته تعتمد على طبيعة المكان اللي تقعد فيه لكن شخصيا اشوف مدينة العقبة افضل منه كجو وكبحر يعني سياحية اكثر

ريم البوادي اخص منت عاقل طبعا يعتبر من المطاعم الراقية بعمان اكله له طعم خاص والمشاوي وكل شي وعلى فكرة اعرف واحد من جماعة صاحب المطعم بس علمني اذا رحت هناك
المنسف حقه عاد ما يحتاج اكلة الشعب الاولى وش تبي يطلع يعني بس كويس انك قلت منسف بعض الناس يقولون عنه منسوف

إقتباس - تحب الكنافة النابلسية مثلي خصوصاً اذا كانت من السهل الاخضر والا لا .. اذا ايه .. وش احسن مكان يظبطها بـ عمان وابي نصيحتك ترى .. وابي رايك بعد بزلاطيمو

بصراحه لا غير عن اهلي اهلي والله لو تشوفهم وهم يطلبونها تقل مقاطيع انا عادي اكلها بس ما ارغبها كثير

عموما شخصيا انا واهلي نفضل حبيبة على السهل الاخضر فيه اكثر من حبيبة انتبه للاصلي من التقليد الاصلي اللي هو لون لوحته رمادي مدري اذا غيرها

بس عموما حبيبه الكويس والمعروف فيه فرع له ... وانت بالجاردنز متجه لدوار المدينه ... اذا وصلت للدوار تروح يسار وتمسك شارع المدينة باتجاه الدوار السابع اول ما تلف من الدوار يسار يجيك على اليمين هو ... تجيك دخلة قبلها فيه مدرسة وهو على شارعين جاي عند الدخله بالضبط

انا احب كنافته كثير واشوفها رقم 1 وصحه وعافيه

زلاطيمو ما اقدر اقول شي معروف اسعاره سياحية بس يعني شغله لا يغلى عليه يعني معروف اذا جبت لواحد شي من زلاطيمو معناته انت مكرمه وانك كااااش

إقتباس - اسم يحبه الدحمي ولو جاه ولد ان شاء الله بيسميه بهالاسم ؟

يمكن تستغرب لكني والله مجهز اسماء بنات ومخلي الاولاد لزوجتي مدري ليه احب اسم رنا وساره مشتاق اجيب بنات بس عشان اطيح اللي براسي واسميهم كذا الاولاد اهلي كلهم عارفيني بـ ابو سعود لكن والله ما ادري احس ما يركب علي يمكن اضل كذا ويمكن اغيره امي الغاليه الله يحفظها هي الوحيده اللي مسميتني بجوالها ابو سعود احسن من غيرها كاتبين السوري

إقتباس - من تشجع الوحدات والا الفيصلي ؟

روقنا والله دوريهم كله ما فكرت فيه لكني اميل للوحدات تصدق مرات والله كان مباراة الديربي الوحدات والفيصلي اوكي وايام العزوبية وكنت وقتها مشغول بالاكل قاعد اطبخ واجهز وكذا والله جا بلنتي قمت وسحبت عليه ما ادري وش صار جابوه والا لا قمت اهتم لاكلي لا يضيع تعبي يعني اطلع من راسي اخر همي دوريهم

إقتباس اعتذر اذا كانت اسئلتي كثيرة ولك الحق بالسحب على الاسئلة اذا ما جازت لك بس تراك بتتوقف يومين

ما نقدر على زعلكم يا المشرفين كله الا الايقاف خلاص جاوبت ولو تبي زياده ابشر

ابو حميد حبي ما اخبي عليك فاجأتني بأسئلتك احسك غاشها من واحد ربي يعطيك العافيه ومن جد ان شاء الله يصير فرصة التقي فيك هناك