إقتباس الرسالة الأصلية كتبت بواسطة رائدة الزعيم والله أنا ماكنت ذربة في السابق لأن مجتمعنا عليه كلمات ما أدري من وين يخترعونها والمصيبة لها ردود معينه ما توصلنا غالبا أسواء موقف في عزا جدتي وكانت بوابة الأحزان لأن من بعد ماراحت الله يرحمها راحوا كلهم فصار عندي خبرة كانوا الناس يقولون لي عظم الله أجرك طبعا ما أدري وش يردون فكنت أقول شكراً سمعتني أختي وجتني كم ذبة من البنات وصرت أقول مثلهم جزاك الله خير عاد أن كانوا يقولون كلمة ثانية فما أدري عندنا كلمة صح لسانك ما كنت أعرف وش يردون عليها ومع الوقت شفت أنه تتكرر كلمة صح بدنك ولا أدري ليش تنقال هالكلمة مع هالكلمة أكرمكم الله هذي أنا أقولها بس ما أدري وش الرد وما عمري كلفت نفسي أسمع ردود هاكلام شغلة صب القهوة أنا أبداء باليمين لكن عندنا نظام غبي أبداء بالأكبر ياشيخ فاضية لأهل أمكم طبعا وكل واحد يقول عطي فلان أو فلانة وأنشب بالفنجال مرة حطيت القهوة وشربت الفنجال وقلت ماله داعي تتقهوون طبعا بعد ماراح عماني جاني شويت تهزيء من أختي عن الإحترام والناس الخاملة ....ألخ من الجمل المعتادة والمصيبة الأكبر وزنية الفنجال ناس تبي شوي وناس تبي كثير والله قلق بس الحريم الصب لهم أهون من الرجال الرجال عليهم شروط مدري شتبي عاد أنا قوية وجه اللي يتفلسف أقول بتشرب والا وفرت <<بس يشربون وما يهتمون من تعليقاتي ثم صب الشاي والناس اللي تتشرط مر حالي نعناع مدري أيش خلاص أشربوا اللي يجيكم واحمدو ربكم طبعا أنا لين صبوا لي لي شروطي بس ياويل أحد يتشرط علي لازم أسمعه كم كلمة بالعربي منعت من التقديم في المنزل لما واجهوه من إحراجات من قبل شخصي الكريم <<هذا اللي كنت أبيه بس لما يكون الضيوف غريبين أصير عاقلة وأصب بإحترام وأبلع لساني فمستحيل أحد يصدق فيني غير الذرابة الا عاد إذا كبيت على أحد هنا تتغير المسألة مرة كبيت صينية الحلا على صديقة أختي ومرة كبيت فنجال القهوة على عمي بس بيض الله وجهك وش جوابها ؟؟؟ عموما أنا عندي قاعدة كل كلمة ما أعرف أرد عليها أقول شكراً وعادة ما يشرهون علي يعطيك العافية على الإستماع لفضايحنا اللي إن شاء الله نعدلها مستقبلا ونصير ناس ذربة وتعرف السنع بالحب والإشراق

رائدة الزعيم يعافيك ربي على المرور ونورتي الصفحة يالغالية والله ..

ومواقفك كلها ضحك × ضحك


بس يلا الواحد يتعلم من السابق ويكون له درس في المتبقي له من الحياة ..


وانتي ماشاء الله عليك ذربة مايحتاج >> ترى مايسلك ابد



الف شكر مرة ثانية يالغالية ويعافيك ربي .. ولا ننحرم منك يارب