نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - | رابطة عشاق الشياطين الحمر 2008 - 2009 | ( به وإلا بغيره .. المان مجد .. وحسن سيره ) | ( Kings of the Worlds )

الهلالي 11 · #10936 15/03/2009, 07:34 PM

ابو جيجز

احبك

بس مدري احس ان كان فيه اسئلة وطارت

او الظاهر ان الجوع لاعب فيني

إقتباس


	تخصصك اقتصاد و مصدق هـ الكذبة !! ، سايقينها الامريكان و الاروبيين ، والهدف ثاني ! ، يعني ممكن تقول وين بالسعودية انخفضت الاجارات .. ! ، يا شيخ لي شهر أدور شقة ماني ملاقي ، تقلي العرض أكثر من الطلب ! ..، مثلا : شقق حصلتها قبل شهرين يمكن ، غرفة و صالة و مطبخ بـ 14 ألف ، العمارة فيها 60 شقة كلها مليانه ، وش هالخرابيط اللي قاعد تخربط بها علينا .. ، وانت تقولي العرض أكثر من الطلب ، وتقول انخفضت الاجارات .. !!

يا حبيبي مو مصدق وما مصدق هذا الواقع اللي بدأ ينتشر ما اقول وصلنا للمرحلة هذي تماما لكن اعتقد بالطريق لها

انا ما ادري عن اي منطقه تتكلم وكلامي كنت اقصد فيه الرياض لان كل حياتي فيها وما اعرف غيرها

عموما كلامي بتلقاه واضح كثير بموضوع البيع مو الايجارات

الايجارات بدأ ينتشر فيها لكن البيع اوضح

والكلام هذا نظري ... لكني شفته وعايشته بالواقع لاني بالصيف كنت ادور بيت لاهلي وقبل فترة قريبة دورت مرة ثانية ولقينا وانتقلنا وشفت الفرق بالتعامل من اصحاب العقار بالتفاوض بالايجار

+ فيه نفس البيوت اللي شفتها بالصيف يوم رجعت ادور في شهر 12 لقيتها الى الحين فاضيه وش معنى هالشي

بكل الاحوال كلامي هذا هو فعلا بدأ يظهر على ارض الواقع والايام بتثبت لك ... واكرر لك هالكلام بمنطقة الرياض بحكم ان حياتي كلها هنا

والله يا فيه احياء جديدة كامله كل الناس بدت تبني فيها وكثير بيوت فاضيه

إقتباس


	كلامك هذا يتعب .. < الوردة لزوم الرومنسية ، حسيت وانا اقراه بس أني تزوجت ، عليك أسلوب يدخل الواحد بالجو غصب .. ، استشفيت من اجابتك أن الزواج كان على الطاري .. ، لكن بعد ذيك الاردنية ، ما عاد له طاري .. ! ، للدرجة هذي هي حلوة .. ، بعدين لا تكون هي السبب في إلغاء فكرة الزواج من راسك !! ، على العموم تكبر وتنسى .. ، وتلقالك بدال البنت 10 ، سؤالي وش السر نص اللي يشوفون صفحتك بنات .. ؟ .. قايلكم فيه اسئلة تحول للماسن .. ، وفيه سؤال ثاني داخل هـ السؤال .. ، وش الاسباب اللي خلتك مرهف الحس ..

توك ما شفت شي هذا غيض من فيض والا انا روميو العرب خخخخخخخخ

يا غالي موضوع الزواج ما هو قصة اني تعقدت منه عشانها هي

انا من اول ما كنت مقتنع اني اتزوج على طول بعد التخرج ومن بداية شغلي ... غيرت هالقناعة عشانها وصرت ابغى الزواج باللي هو بس عشان الحق عليها

لكن يوم راحت رجعت لقناعتي الاول مع شوية اصرار عليها تقدر تقول من باب انتقام

وصدقني مو قصة انها حلوة او لا ... انا والله ما يهمني الجمال كثير المهم شكلها مقبول لان الواحد مع الوقت يتعود على الشكل ... انا يهمني شخصيتها واخلاقها وطبيعة تعاملها

يعني لو تزوجت ملكة جمال وجيت بيوم لقيت البيت ضايعه علومه .. اكل ما فيه ... اخلاق ما فيه ... هل بتقول عادي والله جلوه يطلع لها تضربني برضو

طبعا لا عشان كذا ايا كانت حلوة مع الوقت يروح هالشي وتبقى العشرة الحلوة

وهالشي المفروض انك تعرفه من الحين ... انت تشوف اخوانك واخواتك عاديين حتى لو كانو ملوك للجمال ... لان ببساطنه خلاص تعودتو على بعض وما يفرق الشكل يبقى التعامل والاحترام وبس

بالنسبة لموضوع صفحتي وزوارها اول شي بالله علمني القلب لي والا للبنات خخخخخخخخخخ

والله حبيب قلبي هالمعلومة عرفتها منك

يعني انا ملفي كل فترة ادخله مرات الاحظ الزوار بس ما عمري سالت ليش فلان او فلانه مقلطين عندي

ما عندي جواب لهالسؤال لانه فعلا ما ادري وشلون يجاوبونه

لكن الحمد لله كلامك هذا يدل ان عبدالرحمن له متابعين بالمنتدى من كل الاقسام والفئات

ويسيرون على ملفه ومشاركاته عشان يعرفون اخر اخباره وهذا شي افتخر فيه والحمد لله اني قدرت اكسب سمعه طيبه هنا

اللي خلاني مرهف هو الحب وما غيره

كنت عادي ما اهتم لهالاشياء والحب غيرني وحرك اللي بداخلي ... الحين ما اقولك ما اهتم بهالاشياء لان صعب اتغير بعد ما عرفتها ... لكني محتفظ فيها لنفسي لين ما اتزوج

إقتباس


	بنشطح كما شطحة عزوز .. ، أبغى أعرف وش جوك اثناء متابعتك للمباريات ، وش تقرب وش تبعد ؟ هو أنت مثل هلالي موت يقرب فيفادول ، ولا مثل الريس كاريك 16 يبعد الريموت .. ؟

جوي بالمباريات تسالي

من جد احب اجيب شبس وحلويات ومكسرات ومن هالحركات واتابع المبارة ما تخلص الا وانا مخلصها

الريموت احاول ابعده عني والله

لكن عموما طبعي هادي شوي بالمتابعه لان لو تهورت بشي احس ابوي بيقولي موقوف لمدة مباراتين

طبيعة ابوي ما يحب التعصب الزايد تابع وانت محترم وبس

إقتباس


	درست في السعودية ، ودرست في لاردن .. ، وش الفرق .. ، هل الولاد بيدجو متل هون .. ؟ ، ولا الوضع مختلف هناك نظام وانضباط ؟ .. حاول تسترسل في هذه النقطة .. ، عشان خاطر الشباب اللي بيروحو يدرسوا في الاردن ..

اللي يبغى الخراب بيخرب سواء هنا او هناك او بالسودان

الموضوع كله يرجع للشخص نفسه هو اي طريق يبغى ... بالاردن كل طريق تلقاه وانت حر

لذلك هي تعتمد على الشخص

بصراحه تعليم الاردن اقوى من هنا بكثيييييييير

خصوصا موضوع الانقليش تعبت فيه كثير والله ببداية دراستي

هنا نظامهم وطريقتهم عقيمة ... والله مرات اخواني الصغير يجون عندي اشرحلهم اني اقول ما ادري شلون فاهمين او شلون بينجحون

كنظام وانضباط هناك افضل ... وكقوة تعليم هناك افضل ... لكن بقولك شي صغير بس

انا رحت ادرس وكل حياتي هنا وواحد معي كل حياته بالكويت وجا يدرس معي بنفس التخصص

الكويت فيها انفتاح اكثر من هنا

انا الحمد لله خلصت بـ 3 سنوات ورجعت وما رسبت باي مادة او عدتها ... هو اول سنة رسب بنص المواد ... بعدين حول تخصص وراحت عليه ساعات كثير من اللي خلصها ... وما ادري هو الى الان بالجامعه او تخرج

يعني باختصار كل شي بيدك انت

يعني واسمحلي على هالموقف بقولك قصة صغيرة ... وانا بثالث ثانوي كنت مع واحد من اخوياي نسولف بموضوع الجامعه ... اول ما عرف اني بروح للاردن على طول اول شي قالي : " يا حظك تدرس مع بنات ويشرحون لك وانت تقزقز و و و طوووط

بالله عليك نسى كل شي وما نفسه يروح الا عشان هالشي !! شلون تبيه يمشي وينجح

بشكل عام ... اللي قد حاله ... وظروفه تسمح له يدرس برا باي دولة انا اؤيد وبشده لانها بتخليه بتعرف على اشياء جديدة ويستفيد كثير من تعليمه بالخارج

شكرا لك مفرح

واتمنى اني جاوبت على كل اللي تبغاه