| يا جماعه اول شي الجمهور ما قصر وترى الجو كان غبار يعني احمدو ربكم حضر اربعين الف
والي ساكن بالرياض شاف الجو خاصه شرق الرياض وشماله
ثاني شي الهلال سيء لبعد درجه وتشكيلة كتالين خطأ في خطأ من يوم لعب بمهاجم واحد وهو في أرضه اجل لو تلعب برى ارضك بتلعب بدون مهاجمين المفروض انه لعب سوول او العنبرمن الشوط الاول وجلس الثلجه=الفريدي على الدكه منها انه يذوق الدكه وينقهر مثل ما ننقهر في المدرج ومنها انك تضغط من اول المباراه
ثالث شي ياسر مو في مستواه بعدين يا جماعه صح انه يبحث عن جمالية الهدف بس لاتنسون ان المنتخب دمره لدرجة انهم يعطونه ابر عشان يلعب كن ما في ها البلد الا ها الولد يعني ما عندك الا ياسر ينهي مبارياتك مو معقول
رابع شي مواضيعكم البايخه التي لاتودي ولا تجيب فكونا منها وربي كنكم الشنيف ومدني وليتكم توصلون ربع تحليلهم خلوكم على تصاميم الصور ومدح التايب ومقاطع الفيديو احسن لكم من انتقاد ناس تعمل عشان ترضيكم الى متى وانتم كذا ما تغيرتو مواضيع يا تصاميم او مدح في لاعب واحد وانتم فاهمين او تتكلمون عن شي ما تفهمون فيه وترى كلامي ما ينطبق عليكم كلكم | 