|
هااااااام للزعماء .. اللي بيحضر الماتش يدخل !! واللي متردد يروح ولا مايروح يدخل !! واللي مايبي يروح يدخل !!
مسيكم الله بلخير يالربع والربيعيات الله لا يصبح هـ (الخشش) الحلوة الا بالخير .. آمين .. بالأمس اصابني أرق فضيع .. حاولت المناام ولكن أبت عيناي أن تنام .. حدثت نفسي عن ( الماتش ) حق اليوم.. سألتها بأريحية ارجوانية  : ماهي توقعاتك لمباراة الليله يانفسي العزيزه  ؟ فقالت: أنها مباراة فرح وانتصار أزرق بحول الله.. سألتها : ولكن لا تنسي أننا سنواجه فريــق أيراني عنيــد !! قالت بكل ثقه : وخير يا طير .. هذا الزعيم . وعلى قولة المثل: لااحد يقف عنيد عندما يحضر الزعيم .. قلت: اراك متأكده يانفسي الغاليه .. قالت : نعم وبثقة عمياء أقول لك اذا حضر الأسد فليلعب سابا بتري بعيداً ..  قلت: وماذا تتوقعين من جمهورنا الأزرق هذا اليوم ؟ قالت : اذا لم يكن في الملعب 70 الف فأنتم لستم الا جاحدوون للمعرروووف!!  قلت: كم تتوقعين النتيجه يا أيتها النفس الأبيه؟ فقالت لي حينها: أخس ياراعي الفصحى أقول نم لا يكثر  !! انتهى النقاش ونمت ساعة ثم أتيت إليكم لأحدثكم حديث المشتاق .. ____________________ قررت أن لا أكتب قبل كل مباراة إلا مقال واحد لا غير ..----> شيك ولا مقال  ولكن فلتسمحوا لي أيها الأحبه أن اخترق هذا القانون .. ومن ثم أداهمكم بمقال ثاني وتحملووني بليز ,, يا شباب أكتب لكم الآن والساعة تشير الى الثانية ظهرا" .. هنا لندن أكيد فيه بعضكم الحين قد حط في راسه أنه يحضر الماتش .. وبعضكم متردد .. وبعضكم ناويها تي في حديثي موجه للأخوان المترددين والمعتذرين.. ياشباب .. ياحبايبنا .. أنتم هلاليين ولا وش السالفه ---> أحس اني خربتهاا هذي اول مباريات اسيا للأزرق .. وان ماحضرتوا اليوم فلا تحضرووون أبد ---> خربت بقووة ياشباب الأزرق بحاجتنا .. ألم تشتاقوا مثلي لمنظر السبعين ألف ؟ هل تستكثروون على فريقكم عشرين ريال.. وهو الذي دفع من أجلكم الملايين..  هل ستتخلوون عن الأزرق و((تتسدحوون أمام ماجد والشنيف)) .. أخس عليكم بس أخس واخزيااه يالله الخيره ---> الله يذكرك بالخير ياابوي ارجو ا كل ما ارجوا ان لا أشاهد مقعداً واحداً خالياً .. أرجوا أن ارى جموعاً حاشده ترعب الاخوان في ايــران هل تعلموون أن لعيبتكم يتفااخرون بكم في معسكرات المنتخب .. هل تعلموون أنهم في شوق لحضووركم المهيب .. نعم غيرنا يرضى ويقنع أن يحضر له أربعين وثلاثين بل وعشرين ألف مشجع،، وفعلناها هذا الموسم اكثر من مرة .. ولكن لنسجل جميعاً رقماً قياسياً هذا المساء الثلاثاء الجميل .. لنكن سبعين ألف صوت خلف ياسر ورفاقه ونثبت أننا اصحاب الشعبيه الأولى .. ليست محلياً ولا خليجياً وعربياً بل وقارياُ .. لا عذر أمامكم .. ولا حجة خلفكم .. لعيبتكم في حاجتكم وملعبكم قربكم .. فهيا سريعاً من عصر هذا اليوم ننطلق زرافات ووحدانا نحو الاستاد الدولي .. ياسر ورفاقه جاهزوون بحول الله .. لا يحتاجون منا قصائد أو مدائح انترنتيه .. إنما يريدوون حضوراً كثيفاً مهيباً هلالياً معتاداً.,. ليقدموا لكم فوزاً مستحقاً مفرحاً .. فهل انتم فاعلون ؟.! :59: ! _________________________ ما سيأتي هو مقطع من مقال سابق كتبته قبل اشهر وللضرورة أعيده اليوم: يالربع .. أنا بأطلع للملعب .. ومعي امة الصمد .. خذوني قدوة فقط هالمرة .. يعني جمس 2002 فيه أعضاء الاستراحه السبعه .. مع العلم ان اثنين منهم نثرااويين .. بس أوامري ما تخالف بالاضافه للكزس فيها 5 اشخاص من الحارة .. مع علم متر ونص .. مكتوب فيه .. يا هلال انا وياك في كل حزة ..((أحد الأبيات اللي كتبتها في قصيده بالنت )) هذي اعتقد أرقام قياسيه .. أتمنى تحطمووونها وربي .. المطلووب.. والزبده .. لا تروح الملعب لحالك .. أخوك الصغير جنبك لا شغل ولا مشغله .. خذه معك .. ((تمشيه يستاهل )) :53: اختك ((مسيرة)) عليكم، وعيالها يطامرون قدامك بالحوش وغاثين أمك .. خذهم معك ألزم ما على الواحد راحة أميمته خويك يسحب رجلينه بالشوارع .. (أمعطه) من أذنه .. وخله يخاويك ..  أوووووووكي ؟؟ هذا شيء .. (الثنق) الثاني .. أو الشيء الثاني : اصحاب المزاج العالي .. أخواننا أهل (تكيات) ابو هيثم وما شابه .. ترى اليوم بالذات مو يوم المقاهي .. مو لايق عليك .. يالحبيب .. قرر من الآن .. ورح مع ربعك الملعب .. وحط تعميرتك بالشنطه .. ثم أنسدح بالدائري .. ترى المعسل_اللي ماأنصحك به_بعد الفوز يصك في الراس .. .................. همسه حزينه : مدري ليش الفريق الايراني كاسر خاطري اليوم ------------------- همسة أخيره : اللي ناوي يجي .. ويسب كاتالين.. ويصيح على الفريدي .. و(يسفل) بنامي .. تكفووون يرقد قدام الاوربيت الاعلاميه .. او يجلس بالمقهى وحسابه علي .. أوكي؟ ________ ختاماً: آسف ان استظرفت ولم أوفق.. أو استخففت دمي الثقيل عليكم في هالظهريــهـ.. ولكن اعذروني والله من وراء القصد
 | 