أول شي يعطيكم العافية رابطة تشيلسي وبالأخص صاحب الصور زعـــ( اسيا )ـــيم .. أنا كنت حاضر المباراة في لندن .. والحقيقة كانت الأجواء حلوه .. رغم ان فريقي خسر لكني كنت سعيد جدا ً بالحضور ومشاهدة اللاعبين خصوصا ً ان اليوفينتوس كان مقدم مستوى افضل .. أنصح الجميع بالحضور لمباريات الفرق اللي تشجعها في اوروبا .. لأن لها شعور خاص .. وتستاهل المبالغ اللي تدفعها .. .. جمهور اليوفينتوس كان كثير وكان اكثر تأثير واكثر تشجيع .. انا كنت ادور على تذكره وعشان كذا جيت من بدري .. وبصراحة ما حصلت تذكره الا قبل المباراة بـ ساعه .. ودفعت 350 باوند .. يعني 2100 ريال ..! اما اذا كنت انت دفعت 700 باوند فهذي مشكلة !! والحقيقة الانقليز كانوا كلاب في السوق السودا .. حتى اذكر لما حاسبت صاحب التذكره ودفعت له 350 .. قام حط 20 في جيبه وقالي هذي 330 ! والله وكنت بتلاقط معه بس ذولي مجرمين ومهابيل .. قلتله بنادي الشرطه واقولهم انك تبيع التذاكر وتستغل العالم .. قالي بكيفك ماتبي تدفع بكيفك !! لما وصل جمهور اليوفي للمحطة .. كنت انا قاعد في قهوة .. وما سمعت الا صوت صجة وازعاج .. وصراخ .. شوي الا بدا تشجيع واهازيج لليوفي .. طبعا ً طلعوا من المحطة على الشارع وسدوا الشارع .. ويمشون وهم يغنون !! الطريف ان احد الطليان ولد الشواذ << كيف السبة اللي باحترام  .. طلع علم نادي تورينو وهذا اللي خلا جمهور اليوفي ينهبل ولولا تدخل الشرطه لكان راحت عليه ..! استمر تقدم جمهور اليوفي حتى وصلوا لبوابات الملعب .. والاهازيج مستمره ..! طبعا ً الكثير من جمهور اليوفي ما لقوا تذاكر .. وانا من ضمن اللي كانوا مع جمهور تشيلسي .. ولكن كان موقعي حلو ..! وبصراحة ما كأني جالس مع جمهور تشيلسي لان كثير من اليوفاويه حولي .. مع دخول اللاعبين للتدريبات قبل المباراة .. نزلت تحت الى ان وصلت للاعلانات .. وكنت على بعد امتار قليلة من اللاعبين ..   والحمد لله توفقت في المكان اللي كنت جالس فيه ...! لكن في صور اخرى ان شاء الله بنزلها في وقت ثاني ..
اخر تعديل كان بواسطة » Fo0oRzA JuVe في يوم » 09/03/2009 عند الساعة » 11:45 PM | 