| وش قناته... الله يخلف بس... قسم بالله اذا فتحتها جاني الهم... يابن الحلال محسبوه علينا قناة رياضيه.. ليت الله فاكنا... والله يوم القناة الثانيه كنا احسن ومبسوطين... طبعاً مو بسبب عرض القناة الثانيه وانها تنقل كل شي... لا بس عشاننا نلقى لهم عذر ونقول معذورين مايدرون وش يبدون فيه...
وبعدين ياخي وش فيها خلهم يبثون اللي يبون..يعني بسئلك... وشوله ينقلون الهلال والطائي ويتركون استديو صدى... لا ومن زين الطبايع نص ساعه بعد مباراة السعوديه جايبين خلفيات مدري وش هي ... وتصوير مرافق سعوديه... طيب خل نشوف نص ساعه من مباراة الهلال ماهي مشكله العوض ولا القطيعه...اقسم بالله ان الواحد يركب دش ويشترك في اوربت ولا ذل التلفزيون السعودي... البحرين ماتجي ولا نص الرياض وعندها كم قناة... الكويت ماتجي شي مقابل السعوديه ... وعندها ست او سبع قنوات اذا مو اكثر... مصر وهي دولة فقيره مادياً بالنسبه للسعوديه ... فيها اكثر من عشرين او قل ثلاثين قناة... وحنا قناتين واحمد ربك واذا خمت معهم قطعو عنك...
بس اللي مروعني عسى موب حطتها فضائيه تمهيد لتشفيرها؟؟ والله يا ان سووها انهم ماعندهم سالفه.. وتبي الجد مابقى الا هذي وتحرها منهم... والله دولة بمكانة وحجم السعوديه ماتقدر توجد تردد ثاني ارضي...
واخر شي لاتنسى ترا فرنسا حاطه وشاح على برج ايفل لونه ازرق وابيض عشان مباراة الاربعاء... وغير كذا حاطين باصات تنقل جماهير من الشنزليزيه الى استاد الامير فيصل... وعضو شرف الاتفاق اللي في روسيا بارقوف خستروف حاط مكافئة للاتفاقيين اذا جابو الكاس ...
ومانقول الا الله يجيب المطر...
تحياتي
ماجد//الرياض | 