08/03/2009, 02:47 PM
|
| زعيــم فعــال | | تاريخ التسجيل: 11/05/2008 المكان: في قلب الزعيــم..
مشاركات: 455
| |
|
اضطهاد أمني بملعب الملز ,, وعساكر مدري من وين جايين << وأكثر بالداخل ^__^
السلام عليكم ,,
حيا الله الزعماء .. ومساءكم زعامة على قولتهم 
اليوم جايب لكم بعض الإضطهاد الأمني في ملاعبنا لاسيما مع الأحداث الأخيرة ..
هذي صورة من إبداع عدسة أخوي La France  << مصور محترف ماشاء الله عليه 
أترككم مع الصورة :
طبعا العسكري الي شايفينه بالصورة يوم شاف العلم معنا جاي ماشي طبلون الله يصلحه 
وتخبرون الفصفص والأكياس لابد منها بالمدرجات ويطيح ويتزحلق ويدفدف ذا العالم لين وصل عندنا وسحب أم العلم 
قعدنا نضحك عليه هو كان يبي يطلع راعي العلم بس راعي العلم مخه نظيف  كانت فكرته أن العلم يمشي على المدرج ومنها لا يمسكون العلم العسكر ولا يتورط آحد مع العلم ,, لكن الشباب ما يسمعون الكلام ومسكوه أحلى ما في الموضوع أن الي ماسكين العلم حدود 10 أشخاص العسكري قال خلني بس اهج لا يسوون لي عملية إغتيال بالمدرج  خخخخخخخ
لو تلاحظون أنا موجود بالصورة والي شاف موضوع أخوي La France وشاف صورة الي اعتقلوه بعد نهاية المباراة له صورتين كان جالس قدامي وواضح بالصورة << والله الرجال حبيب وراعي سوالف وواضح إلا مافيها شك أن الرجال موب راعي مشاكل راعي سوالف وسعة صدر ,,,
بس الأمن ما عندهم شكلهم يسكرون عقولهم وقت الدوام 
تخيلوا كنت بأطلع اشرب مويه من الكافتيريا حقت ملعب الملز المهم يعني الي بيطلع ما يسوون له تفتيش وجاي بأطلع من وراء التفتيش شافني عسكري قال هي أنت وين يبو قلت ابد أي خدمة بأوصل الكافتيريا وارجع .؟؟
قال رح من هناك يالله تحرك << مسوي عصبي 
رحت وانا ماشي قلت وش الفرق هي من هنا ولا من هنا أنا طالع وما علي تفتيش ... تخيلوا وش قال .؟؟
قعد يزاعق أقول احترم نفسك << سفهت ومشيت وآثره قاعد يراقبني لين رجعت وابي أدخل أستقعد لي استقعاد أبن منيب قايل  هههههههه ما بقى يقول إلا افصخ السروال الله يكرمكم 
يالله حصل خير ,, بس أتمنى أن مشكلة الأمن ذي تنحل لأنهم من جد يعاملونا وكأننا بسجن هواش وإستحقار وحالتنا حالة
يالله ولا تنسون يا شباب يوم الثلاثاء كونوا على الموعد
تراني متحمس مرة للموج والزلزال 
واشتروا التذاكر من اليوم لأني يمكن اشتريها كلها من السوق وابيعها لكم بــ30 ريال << يسمع بالإحتكار بس ما عليكم شباب شبكة الزعيم لهم تخفيضات 
 مساءكم زعامة |
