حياك الله عشقي تيماوي

إقتباس ** شوفوا ترى اللي اوله شرط اخرهـ سعود كريري >> الى الماصلهـ ترى انا مانيب مصور واذا بغيت اصور استخدم كاميرا الجوال وتخب علي

لا ارقد وأمن هنا مافيه ماصلة


وش ذي الصورة
تذكرني بجزء من طفولتي في بيت جدي الله يرحمه كنت حاجزه
جدار في المقلط اشخبط عليه وارسم فيه واتخيل اني ابله واشرح
والمشكلة ان جدي مخليني على راحتي هاوشني كم مره بس ولاكني اسمع الكلام سافهته
كم مره صبغ جدرانه وارجع لجداري المفضل واشخبط عليه
اذكر اكثر شي كنت ارسم ورود وعصافير
==>> لاتشرهون علي لين شفتوني اوزع ورد في ردودي
يا الله يا زين ذيك الايام كنت اشخبط واكتب وارسم بالالوان الزيتية
والخشبية والمائية آخر شي جاب لي جدي خشبة مع طباشير وقالي هذي سبورتك
اشرحي وارسمي على راحتك
استانست فيها بس كنت لابد من اني اسير على جدار المقلط اللي كنت اشخبط عليه
بعدين على طاري الشخبطة ماتحسون إن الشعب السعودي يعشقها
ودي والله لو يحطون جدار ويخلون خلق ربي يشخبطون عليه
لكن يكتبون شين سنع .. مهوب ابيات شعر حقت مبزرة.. و حبيبي ساكنن ام الحمام
ولا عن المفحطين .. و الكامري تحت اوامري ! والهلي يلعب والحكومة تتعب
ولا أحسن شيء اذا كان واحد مستقوين عليه اصدقائه يجي يفرغ على الجدران ذكريات القوي
أو ابو حنكش
بس عاد كله كووم و الكتابات على جدران المدرسه كوم ثاني
يحط لك قلب مقشوع ويكتب حروف لو سألته وش تقصد فيها قال لك مدري .. ولا واحد ادهى وأمر حاط ايميله ( كاتب للحلوين بس ) ..!



يالبى قلبها تهبببببببببببل
الله يخليها لكم ولو ماجاء من هالصورة الا صورة اللي وراها يكفي
,,

الصور المتحركة
الصورة الأولى فيها كمية استنزال غير طبيعي غير كذا البزر باينه الشطانة واللكاعة من عيونه
,,

إقتباس ** الشكر موصول لـ الغالي مجروح على تضبيط الصور ولـ الغالي ابو عليان على تضبيط الصورالمتحركهـ وذولا اطلق اثنين دائم راعين فزعات وعلى رسم الخدمه

شكرًا لهم
وعلى طاري أبو عليان ماشاء الله عليه بتاع كلوو
تبيه يضبط لك صور موضوعك مايقصر ولا تبيه صور رياضية برضو مايقصر
وأي نادي تبي هلال نصر شباب والا لقطة بلطانية !!

,,
عشقي تيماوي
يعطيك العافية على هالموضوع ودارية إن ردي مب قد المقام
يعني لو معي وقت كان استرسلت فلذلك لحد هنا وخلاص