|
ياجماهير الموج الازرق كلها 12 نقطه والدوري يصير هلالي
بسم الله الرحمن الرحيم
احب ابارك لك الهلايين بطولة كاس ولي العهد وايضا ابارك لهم بطولة الاباتشي الهلالييه واخير وليس اخرا كسب صفقه اللاعب عيسى المحياني
كلنا حزينين أكيد على فقدان المدرب كوزمن وهو واحد من الاضلاع المشاركه في حصد الالقاب الهلاليه لكن اللي حصل حصل ادا رجع خير وبركه وادا مارجع خلاص وش نسوي قدر الله وماشاء فعل
تركيزنا الان على الدوري قدام الهلال اربع مباريات ييعني 12 نقطه وبإذن الله الدوري يصير هلالي
أول ثلاث نقاط أمام الشباب يوم الخميس في الملز تحتاج زحف جماهيري غير عادي لأهمية المباراة ولموأزره اللاعبين
المباراة الثانيه مع نادي الوحده في مكة المكرمه مباراه صعبه ايضا انا اشوفها وتحتاج لدعم جماهيري كبير
المباراة الثالثه راح نستظيف فيها الاتفاق والاتفاق فريق عنيد وماوراه شيء يخسره ويبغى يرضي جماهيره عن طريق تغيير مسار الدوري من فريق الى فريق هدا اكبر شيء يقدر يسويه
المباراة الاخيره والرابعه راح نستضيف فيها الفريق العنيد جدا فريق الاتحاد وهو المنافس الوحيد حاليا للهلال وان شاء الله نروح لها المباراة بدون مانحتاج نتيجتها
وهدا ماراح يصير الا ادا جبنا التسعه نقاط بإدن الله امام الشباب والوحده والاتفاق كل هدا ماراح يصير الا بوقفه جمهورنا العزيز واللاعب رقم12 دائما في مسيرة الزعيم
خلاص ارجوكم اللي راح راح كل تفكيركم الان اتمنى ينصب على دعم الهلال في مباراته الجايه وقتناص الثلاث نقاط وعساكم على القوة يااحلا واروع جمهور
وفالنا الفوز ان شاء الله يوم الخميس 
اخر تعديل كان بواسطة » MrBlue في يوم » 03/03/2009 عند الساعة » 01:21 PM | 