نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - عذراً كوزمين.! فبكاء هؤلاء أهم من سمعة وطن..

فتاه هلاليه · #5 02/03/2009, 06:15 PM

حت حت

تسلم هاليدين اللي كتبت هالكلام

من أول ما أقالوه وأنا مالي نفس بالمشاركة حتى ماعلقت على إقالته
نكدوا علي !

فخليني بطلع اللي بقلبي هنا

,’
انا وش قاهرني .. !
طريقة الاقاله + وقت الإقاله
آآآآخ آخ ..

لو ان كوزمين طلب الاقاله قلنا ماعليـه .. !
لكن انهم يقيلونه بهالطريقه !!
يعني تبون تقنعوني ان كوزمين قاعد لسواد عيونكم ؟
كوزمين ماقعد طول هالفتره بالمملكه وشاب راسه وتحمل تخبطات الاتحاد
الا لعيون الهلال ..

!
وقسما بالله ان كوزمين اول ماجا كان شعره اسود ..
وهالحين شاب شعره ..

كوزمين تعب من امور كثير .. اللاعبين يجون من المنتخب مرهقين ..

زائد انه قاعد يواجه ضغوط كثيره ..

ضغوط من جدولة الدوري

.. ضغوط من الاعلام السعودي

.. ضغوط من الاعلام الروماني ..

قاهرتني اشياء كثيييييـره .. !
قهر لمن بالرغم من كل شي يتعرض له كوزمين .. يطلع بالصحافه الرومانيه
ويدافع عن سمعة البلد !
وعن سمعة الدوري وعن اللاعبين والنادي .. !
وبالأخير .. يطلع بهالطريقه .. !
اثبتنا فعلا للرومان ان فعلا على قولتهم العرب قاسيـن ولايمكن التعامل معهم !

فريقنا تعرض الآن الى هزه كبييييره ..
اللاعبين عندنا من افضل اللاعبين .. واي مدرب ممكن يمشي معهم ..

لكن جيبوا لي مثل فكر وانضباطية واخلاص وروح كوزمين بالفريـق ؟
رغم ان زوجته تعاني من سرطان الا انه يشتغل عالفريق ليل نهار ؟

هذا جزا المعـروف .. ؟

اللي قاهرني ان وقت الاقاله غبيه غبيه غبيه .. باقي 4 مباريات تقريبا على نهاية الدوري .. !
باقي شوي وتبدا الآسويـه .. هذا وش معناته ؟؟؟؟؟؟؟؟؟؟؟؟؟؟؟؟؟

قسما بالله حرام عليك ياسلطان .. !
البلى ان فيه مسؤولين محسوبين علينا وعلى رياضتنا .. !
كل واحد يعمل لمصلحته وعلى حسب اهوائه
بغض النظر عن النتايج اللي رح تصير من ورا قراراتهم !
اهم شي الواحد فيهم سوا اللي براسه والباقي بقريح .. !

يعني عشان ادارة الهلال رفضت تعطيهم كوزمين للمنتخب يكون هذا جزاهم ؟
كذا خط بط وينشطب كوزمين ؟
مافكرت بعيال عمك اللي تعبوا عالفريق وخسروا ملايين الملايين عاللاعبين وعالمدرب
عشان يبنون فريق يشرف ويرفع اسم رياضتكم ودوريكم المخيس ؟

هذا جزاهـم ؟

خربوا فرحتنا وفرحة عيال بن مساعد

لاعبينا هالحين ممكن يجيبون لنا بطولات محليه ..

لكن آسيا

.. يبغالها مدرب عارف اللاعبين .. مدرب عارف لآسيا .. !
يبغالها كوزميـن ..

هالحين باقي على آسيا 10 ايام هالمدرب اللي بيجي وشلون بيتعرف على اللاعبين
وعلى نفسياتهم ولعبهم .. ؟؟؟

وش هالتخلف العقلـي ؟
أي واحد مصيره انه ينجح عندنا نسوي فيه هالسواه ؟
اذا كل ناجح بالهلال راح يسوون فيه كذا ؟ وش بنسوي ؟
لازم مانسكت .. اذا سكتنا هالمره .. بيسونها مره مرتين 3 ..

الواحد مايتهنا باللي معه ؟ كوزمين أخذوه منا غصب طيب عشان ايش ؟
عشان رمى فلينه ..

لا وإيش .. شطب ! شططططـب ! تحس ان القرار طالع عن قصد !
أجل شطب مره وحده عشانه رمى فنيله ؟ وين نودي وجهنا قدام العالم ..

!

بكره طيب من بياخذون منّـا عشان أستعد ..

؟

خلاص لازم هالحين نوقف مع عيال بن مساعد عالحلوه والمره ..

من شاف وجه بن مساعد بعد القرار تحس شايل هموم كبر الجبال

تكفون تكفون تكفون .. باقي 4 مباريات ..
نبغى الحضور فيها فل ..

والتشجيع مايوقف ..

اللاعبين والاداره محتاجتنا اكثر من اول ..

انا سمعت ان بعض اللاعبين بكوا بعد القرار ..

تكفون خلونا نوقف معهم الين ربي يفرجهـا ..

الله يعيـن ..