هاردلك التعادل ..!!

نعم اقول هاردلك لأنه كان بأمكاننا الفوز في المباراة لولا عناد مورينهو وقناعاته الغبية

والا وشلون العب بورديسو !! بالله هذا لاعب

لاعب من يوم يلعب يلخبط دفاع الفريق بشكل غير طبيعي ولازم يفهم ان الفوز ببورديسو مستحيل

الله ياخذه من لاعب !! هو ساحر والا وش !؟ وشلون يلعب مع كل المدربين مع الانتر والارجنتين!!

لذا الدرجة عميان مايشوفون اللي قاعد يسويه !!

الله يصبرنا عليه بس

ثم قام يحوقها وينزل كامبياسو سنتر !! طيب الماتريكس ليش برى !!؟

شئ يرفع الضغط

في بداية المباراة أملنا بالفوز ثم املنا نطلع الشوط الاول بتعادل ثم املنا مانطلع بتاريخيه !!
ثم املنا نتعادل ثم املنا مانطلع بتاريخيه ثم املنا بتعادل ثم املنا بالفوز !!

مباراة دراماتيكيه غير طبيعيه كانوا افضل في الشوط الاول كالعاده وما ادري وش السبب !!؟
لكن مدربنا داهيه وذكي وقدر يقلب عليهم موازين المباراة !!

اكثر ما اعجبني هو سوبر ماريو كان نجم المباراة وياليته يستمر على ذا المستوى
ونبيه يلعب جنب ابرا لأننا ملينا من ذا الدبابه المبنشره !!

مايكون : اول مره اشوفك بذا المستوى السئ !!
والله ما تعودنا عليك الا الابداع من اول دقيقة الى آخر دقيقة
لكن وش نلوم لاعب يلعب كل المباريات 90 دقيقة !!
وهذا خطأ من مورينهو .. طيب لعب سانتون يمين وماكسويل الضايع في الوسط يسار !! وريح مايكون !!

ادريانو مستوى اقل من عادي وماغير يتبطح يدور فاول !!
ستانكو ضايع !! الدفاع كله رايح فيها بغياب سامويل وتشيفو

اعجبني فييرا يوم طب صحيح اول ماطب كان سئ ثم صارهو الكل في الكل في الفريق !!
اجل بذا العمر وذا الجسم يسحب بخمسه ويسوي حركة رونالدينهو
والله خبل ذا اللاعب ياناس وان شاء الله بيكون جاهز قدام المان






اووووووووووووووووووووه

حط حرته في ذا الكوره .. حط كل مجهوده في ذا الهدف .. اثبت للجميع انا موجود
آآآآآآآآآآآآه يا ارنان وينك كنا محتاجينك من اول !!

لكن الكبير يبقى كبير بس وش سر تخصصك في دوني

هذا هو الهدف اللي كان محتاجه ولازم ياخذ فرصته في الكاس وفي الدوري المباريات الجايه

ياناس نبي ارنان يرجع باقي الموسم الين نشوف لنا مهاجم مع ابرا الموسم الجاي

اخيراً : للي يشككون في ابرا !! شوفوا الفريق بدونه وشلون !!

لازم الفريق يشوف له لاعب يصير سوبر ستار .. الى متى بيصير الفريق يعتمد على ابرا في كل شئ !!

عرفنا قدرك واهم شئ راحتك يا ابرا