اخواني الزعماء :

سبحان الله العظيم كيف هالعالم هذولي يتقلبون ويتلونون بألف لون في سبيل مصالحهم لدرجة أنهم مستعدين جدا ان الصديق يكون عدو والعدو صديق على حسب مصلحتهم وين راح تكون !


الشخص الي مسمي نفسه البلوي صار يتشدق بالوطنية والمصلحة العامة من دعم الاندية السعوديه في المحافل الخارجيه ولا ادري متى نزلت عليه هالمفهومية وايش اسباب هالتغير ؟


هل هي فعلا من منطلق الواجب الوطني والي البلوي من اوائل من طعن هالواجب بالظهر والا لأن المصلحة تقتضي والهدف يبي واذا صارت حاجتك عند ...... قله يا سيدي !


البلوي قفز علينا بطلة ما تعودناها ولكن الغاية تبررالوسيلة يوم قال في جريدة الرياض :

إقتباس اعتبر منصور البلوي رئيس نادي الاتحاد التبرع لفريق الطائرة الهلالية بالواجب الوطني الذي يجب ان يتجسد عند مشاركة اي فريق سعودي باسم الوطن، وقال البلوي في رده على دنيا الرياضة حول مستقبل العلاقات الاتحادية الهلالية ان الهلال والاتحاد ناديان عريقان تعود منهما الجميع على التميز في الانتصارات والمبادرات وعلى كل سعودي واجب دعم المنتخبات الوطنية والفرق السعودية لان الانجاز سيسجل للوطن قبل كل شيء، وأكد البلوي ان اتصالاته المتواصلة مع سمو رئيس نادي الهلال تعكس مدى الحرص الذي يوليه المسؤول في ناديي الهلال والاتحاد على بناء جسر من التواصل البناء لخدمة الناديين واضاف بان المشاركات الخارجية لفرق الناديين تتطلب في الواقع تضافر الجهود المشتركة من اجل ان تظهر فرق الوطن كما ينبغي.

وانا أقول واعتقد ان اغلب الجماهير توافقني الراي , انو مواقفك يا بلوي مع الهلاليين ماراح تنسى بسهولة .

وانو كل هالمحسنات وهلمهادنات ماهي الا غمامه راح تروح في حال سبيلها اول ما يخلص حفل الاعتزال وراح تعود مياه المجاري أعز الله القارئين وتنضح من فمك ضد الهلال وضد كل ماهو هلالي .


أقولها بأعلى صوتي :


لا للعلاقات المتينه مع أي نادي منافس لانها وقتيه جدا جدا جدا وقائمه على الظروف وتجربتنا مع الاهلي ليست بعيدة . فاتركو عنكم الاتحاد وخلو عنكم الاحلام فالكل يكره الهلاااااااااااااااااااااال افهمو يا ناااااااااااس ووفرو الصدمه عليكم ولو مره وحده